Psalmyn 7:6 - Lioar ny Psalmyn 1765 (Pointed)

⁶ Irree, O Hiarn, ayns dty chorree, as trogg oo hene seose, kyndagh rish farg my noidyn: shass er my hon ayns y vriwnys t’ow er haarey.

Yn Vible Casherick 1775 1819

⁶ Irree, O Hiarn, ayns dty chorree, as trog oo hene seose, kyndagh rish farg my noidyn: shass er my hon ayns y vriwnys t’ou er harey.

Psalmyn 7:6 ပူးပေါင်းရင်းမြစ်များ

Psalmyn 103:6

Ta’n Chiarn cooilleeney cairys as briwnys: er nyn son ocsyn ooilley ta tranlaasit lesh aggair.

Psalmyn 12:5

Nish er graih seaghyn vee-gherjoil ny ymmyrchee: as er son osnaghyn trommey ny boghtyn;

Psalmyn 138:7

Ga dy vel mee shooyll ayns mean seaghyn, ny-yeih nee oo m'y ooraghey: sheeyn-ee oo magh dty laue er eulys my noidyn, as nee dty laue yesh mish y hauail.

Psalmyn 143:3

Son ta’n noid er n’yannoo tranlaase er m’annym; t’eh er woalley sheese my vioys gys y thalloo: t’eh er m’eiyrt gys y dorraghys, goll roosyn ta er ve foddey marroo.

Psalmyn 3:7

Seose, Hiarn, as cooin lhiam, O my Yee: son t’ow bwoalley ooilley my noidyn er craue-ny-keeill; t’ow er vrishey feeacklyn ny mee-chrauee.

Psalmyn 35:1

Gow my chooish ayns laue, O Hiarn, roosyn ta streeu rhym: as jean uss caggey noi ocsyn ta caggey m’oï.

Psalmyn 35:23

Dooisht, as shass seose dy vriwnys my phlaynt: jean cairys ayns my chooish, my Yee, as my Hiarn.

Psalmyn 44:23

Seose, Hiarn, cre’n-fa t’ow cadley: dooisht, as ny fuirree voïn er son dy-bragh.

Psalmyn 44:26

Irree as cooin lhien: as livrey shin er graih dty vyghinyn.

Psalmyn 59:5

Shass seose, O Hiarn Yee dy heshaght-chaggee flaunys, uss Yee Israel, dy ghoaill kerraghey er ooilley ny ashoonyn: as ny bee myghinagh dauesyn ta ass olkys goanlyssagh jannoo aggair.

Psalmyn 73:20

Shoh myr va my chree seaghnit: as hie eh eer trooid my veeghyn.

Psalmyn 74:3

Smooinee er sheeloghe dt’eiraght: as er cronk Sion, ayn t’ow er chummal.

Psalmyn 78:65

Va ny saggyrtyn oc er nyn stroie lesh y chliwe: as cha row mraane-treoghe erbee dy yannoo dobberan.