Psalmyn 7:1 - Lioar ny Psalmyn 1765 (Pointed)

¹ O Hiarn my Yee, ayn-yds ta mee er choyrt my hreishteil: saue mee vowesyn ooilley ta jannoo tranlaase orrym, as livrey mee;

Yn Vible Casherick 1775 1819

¹ O Hiarn my Yee, aynyd’s ta mee er choyrt my hreishteil: saue mee vouesyn ooilley ta jannoo tranlaase orrym, as livrey mee;

Psalmyn 7:1 ပူးပေါင်းရင်းမြစ်များ

Psalmyn 11:1

Ayns y Chiarn ta mish cur my hreishteil, kys dy vel shiu gra eisht rish m’annym, ee dy chosney ersooyl myr eean gys y chronk?

Psalmyn 13:3

Smooinee orrym, as eaisht rhym, O Hiarn my Yee: soilshee my hooillyn, nagh gadlym ayns baase;

Psalmyn 13:5

Agh ta my hreishteil ayns dty vyghin: as nee my chree boggey ’ghoaill ayns dty haualtys.

Psalmyn 18:2

Nee’ms geamagh er y Chiarn, ta feeu dy ve er ny voylley: myr shen bee’m sauchey veih my noidyn.

Psalmyn 18:28

Nee oo myrgeddin my chainle y oaddey: ver y Chiarn my Yee er my ghorraghys dy ve soilshey.

Psalmyn 25:2

Son cha bee veg jeusyn ooilley ta treishteil ayn-yds er nyn naaraghey: agh bee nyn lheid as ta girree-magh gyn oyr er nyn ghoyrt bun-ry-skyn.

Psalmyn 26:1

Bee uss my vriw, O Hiarn, son ta mee er n’ymmyrkey mee hene gyn loght: ta my varrant neesht er ny ve er y Chiarn, er-y-fa shen cha duittym.

Psalmyn 3:7

Seose, Hiarn, as cooin lhiam, O my Yee: son t’ow bwoalley ooilley my noidyn er craue-ny-keeill; t’ow er vrishey feeacklyn ny mee-chrauee.

Psalmyn 30:12

T’ow er hyndaa my hrimshey gys boggey: t’ow er choyrt jee’m my aanrit-sack, as er my chomm'rey lesh gennallys.

Psalmyn 30:2

O Hiarn my Yee, deïe mee hood: as t’ow er my lheihys.

Psalmyn 31:15

Ta mee er chlashtyn jeh cooyl-chassid y sleih: as ta aggle er dy-chooilley cheu, choud as t’ad cur nyn ghing cooidjagh, as goaill coyrle dy ghoaill ersooyl my vioys.

Psalmyn 32:10

Ny bee-jee shiuish goll-rish cabbyl ny mule, ta fegooish tushtey: yn beeall oc shegin y ve smaghtit lesh beealraghyn as streean, er aggle dy roih ad ort.

Psalmyn 43:4

Dy voddym goll gys altar Yee, dy-jarroo gys y Jee jeh my voggey as my yennallys: as er y chlaasagh ver-yms booise dhyts, O Yee, my Yee.

Psalmyn 89:26

Soie-ym seose yn reill echey neesht er yn aarkey: as e laue yesh ayns ny thooillaghyn.