Psalmyn 68:4 - Lioar ny Psalmyn 1765 (Pointed)

⁴ O gow-jee arrane gys Jee, as arraneyn-moyllee gys e Ennym: cur-jee ard-voylley dasyn ta markiagh er ny niaughyn, myr er cabbyl; cur-jee moylley da ayns e Ennym Jah, as gow-jee boggey kiongoyrt rish.

Yn Vible Casherick 1775 1819

⁴ O gow-jee arrane gys Jee, as arraneyn-moyllee gys e ennym: cur-jee ard-voylley dasyn ta markiagh er ny niaughyn, myr er cabbyl; cur-jee moylley da ayns e ennym Jah, as gow-jee boggey kiongoyrt rish.

Psalmyn 68:4 ပူးပေါင်းရင်းမြစ်များ

Psalmyn 104:3

Ta soiaghey beamyn e hiamyryn ayns ny hushtaghyn: as jannoo ny bodjallyn e ainagh, as goll er skainyn ny geayee.

Psalmyn 16:11

Son cre’n-fa? cha vaag uss m’annym ayns stayd ny merriu: cha-moo lhiggys oo da dt’Er-casherick hene dy akin loauys.

Psalmyn 18:10

Varkee eh er ny Cherubimyn, as ren eh getlagh: haink eh getlagh er skainyn ny geayee.

Psalmyn 5:12

As lhig dauesyn ooilley ta coyrt nyn dreishteil ayn-yds, boggey ’ghoaill: bee adsyn dy-kinjagh coyrt booise, son dy vel oo fendeil ad; adsyn ta graihagh er dt’Ennym, vees laane dy voggey ayn-yds.

Psalmyn 66:2

Abbyr-jee rish Jee, O cre cha yindyssagh as t’ow ayns dt’obbraghyn: trooid mooads dty phooar vees dty noidyn er nyn gheddyn nyn mreageryn ayns dt’enish.

Psalmyn 66:4

O tar-jee ayns shoh, as cur-jee tastey da obbraghyn Yee: cre cha yindyssagh as t’eh ayns e yannoo gys cloan gheiney!

Psalmyn 67:4

O lhig da ny ashoonyn boggey ’ghoaill as ve gennal: son nee uss y pobble y vriwnys dy-cairal, as ny ashoonyn y reill er y thalloo.

Psalmyn 68:33

Ta ny hoie ayns ny niaughyn er-skyn ooilley er dyn toshiaght: cur-my-ner, t’eh cur magh e choraa, dy-jarroo, as shen coraa niartal.

Psalmyn 83:18

As bee fys oc, dy nee uss ta’n Ennym ayd Jehovah: yn ynrycan Er smoo syrjey harrish ooilley yn seihll.

Psalmyn 97:11

Ta soilshey er n’irree son y vooinjer chairagh: as gennallys gherjoilagh dauesyn ta dy chree firrinagh.