Psalmyn 65:8 - Lioar ny Psalmyn 1765 (Pointed)

⁸ Adsyn myrgeddin ta vaghey ayns ny ayrnyn sodjey magh jeh’n seihll, vees agglagh roish dty chowraghyn: uss ta cur er immeeaght [coorse] y voghrey as yn astyr dy chur dhyt moylley.

Yn Vible Casherick 1775 1819

⁸ Adsyn myrgeddin ta baghey ayns ny ayrnyn sodjey magh jeh’n seihll, vees agglagh roish dty chowraghyn: uss ta cur er immeeaght y voghrey as yn astyr dy chur dhyt moylley.

Psalmyn 65:8 ပူးပေါင်းရင်းမြစ်များ

Psalmyn 107:29

T’eh cur er y sterrym dy ve kuine: myr shen dy vel ny tonnyn goaill fea.

Psalmyn 126:2

Eisht va nyn meeall lhieent lesh gennallys: as y chengey ain lesh boggey.

Psalmyn 135:9

T’eh er hoilshaghey cowraghyn as yindyssyn ayns y vean ayds, O heer Egypt: er Pharaoh as ooilley e vooinjer.

Psalmyn 136:8

Yn ghrian dy reill y laa: son ta e vyghin farraghtyn son dy-bragh;

Psalmyn 148:3

Moylley-jee eh, ghrian as eayst: moylley-jee eh, ooilley shiuish rollaagyn as soilshey.

Psalmyn 19:5

Ayndoo t’eh er hoiaghey cabbane son y ghrian: ta cheet magh myr dooinney-poosee ass e hiamyr, as goaill boggey myr dooinney lajer dy roih e choorse.

Psalmyn 2:8

Shirr orrym, as ver-ym dhyt ny ashoonyn son dty eiraght: as ny ayrnyn sodjey magh jeh’n theihll fo dty rere.

Psalmyn 65:13

Nee ad shilley neose er cummallyn yn aasagh, as gow-ee ny croink veggey boggey er dagh cheu.

Psalmyn 66:3

Son nee ooilley yn seihll ooashley ’chur dhyt: goaill arrane jeed, as moylley dt’Ennym.

Psalmyn 74:16

Hug oo lhiat farraneyn, as ushtaghyn magh ass ny creggyn creoi: hyrmee oo seose ushtaghyn niartal.

Psalmyn 89:10

T’ow reill dewlys ny marrey: t’ow kuinaghey ny tonnyn eck tra t’ad troggal.