Psalmyn 61:4 - Lioar ny Psalmyn 1765 (Pointed)

⁴ Nee’m cummal ayns dty chabbane-agglish son dy-bragh: as bee my hreishteil fo scaa dty skainyn.

Yn Vible Casherick 1775 1819

⁴ Nee’m cummal ayns dty chabbane-agglish son dy bragh: as bee my hreishteil fo scaa dty skianyn.

Psalmyn 61:4 ပူးပေါင်းရင်းမြစ်များ

Psalmyn 15:1

Hiarn, quoi nee vaghey ayns dty chabbane-agglish: ny quoi vees ec fea er dty chronk chasherick?

Psalmyn 17:8

Jean m'y reayll myr clagh ny sooilley: follee mee fo scaa dty skainyn.

Psalmyn 23:6

Agh eiyree dty chenjallys-ghraihagh as dty vyghin orrym ooilley laghyn my vea: as nee’ms taaghey thie’n Chiarn son dy-bragh.

Psalmyn 27:4

Un red ta mish er hirrey er y Chiarn, shen nee’m y yeearree: dy-jarroo dy voddym vaghey ayns thie yn Chiarn ooilley laghyn my vea, dy akin aalid eunyssagh y Chiarn, as dy haaghey e hiamble.

Psalmyn 57:1

Bee myghinagh dooys, O Yee, bee myghinagh dou, son ta m’annym treishteil ayn-yd: as fo scaa dty skainyn vees my chemmyrk derrey vees y tranlaase shoh er n’gholl shiagh-ym.

Psalmyn 61:7

Nee eh vaghey fenish Yee son dy-bragh: O kiare dty vyghin ghraihagh as dt’irriney, dy vod ad eh y choadey.

Psalmyn 62:7

Ayns Jee ta my lhaynt as my ghloyr: creg my niart, as ayns Jee ta my hreishteil.

Psalmyn 63:7

Nagh vel mee er chooinaghtyn orts ayns my lhiabbee: as er smooinaghtyn ort tra va mee doostey?

Psalmyn 90:1

Hiarn, t’ow uss er ve nyn gemmyrk: veih sheeloghe gys sheeloghe.

Psalmyn 91:1

Quoi-erbee ta cummal fo coadey yn Fer smoo ard: nee eh tannaghtyn fo scaa yn Ooilley-niartal.

Psalmyn 91:4

Nee eh uss y choadey fo e skainyn, as bee oo sauchey fo ny fedjagyn echey: e irrinys as e ynrickys vees dty eïlley as dt’endeil.

Psalmyn 92:13

Ver ad magh neesht ny smoo dy vess ayns nyn shenn eash: as bee ad roauyr as jeeaghyn dy-mie.