Psalmyn 59:3 - Lioar ny Psalmyn 1765 (Pointed)

³ Son cur-my-ner, t’ad lhie farkiaght son my vioys: ta ny deiney niartal er nyn jaglym m’oï, fegooish foill ny aggair erbee voyms, O Hiarn.

Yn Vible Casherick 1775 1819

³ Son cur-my-ner, t’ad lhie farkiaght son my vioys: ta ny deiney niartal er nyn jaglym m’oï, fegooish foill ny aggair erbee voym’s, O Hiarn.

Psalmyn 59:3 ပူးပေါင်းရင်းမြစ်များ

Psalmyn 140:2

Ta smooinaghtyn er olk ayns nyn greeaghyn: as dy-kinjagh greesaghey seose anvea.

Psalmyn 2:2

Ta reeaghyn y thallooin troggal seose, as ta ny fir-reill goaill coyrle cooidjagh: noi’n Chiarn, as noi’n Fer-ooilit echey.

Psalmyn 38:12

Adsyn neesht va sleeuit er my vioys, ren ribbaghyn y hoiaghey er my hon: as ren adsyn va shirrey dy yannoo aggair dou, taggloo jeh olkys, as smooinaghtyn er molteyraght fey-ny-laa.

Psalmyn 56:6

T’ad ooilley lhiantyn ry-cheïley, as freayll ad hene dy-follit: as cur tastey da my chesmadyn, tra t’ad lhie farkiaght son m’annym.

Psalmyn 69:4

Adsyn ta dwoaie oc orrym gyn oyr, t’ad ny sliee na renaigyn my ching: adsyn ta my noidyn, as bailliu mish ta neu-chyndagh y stroie, t’ad niartal.