Psalmyn 50:14 - Lioar ny Psalmyn 1765 (Pointed)

¹⁴ Cheb yn oural dy hoyrt-booise gys Jee: as eeck dty vreearaghyn dasyn smoo Ard;

Yn Vible Casherick 1775 1819

¹⁴ Cheb yn oural dy hoyrt-booise gys Jee: as eeck dty vreearraghyn dasyn smoo Ard;

Psalmyn 50:14 ပူးပေါင်းရင်းမြစ်များ

Psalmyn 147:1

O moylley-jee yn Chiarn; son s’mie te dy ghoaill arraneyn-moyllee gys y Jee ain: dy-jarroo, s’eunyssagh as gerjoilagh te dy ve booisal.

Psalmyn 22:25

Hoods nee’m chebbal my voylley ayns sheshaght vooar ny nooghyn: my vreearraghyn nee’ms y chooilleeney ayns yn enish ocsyn ta goaill aggle roishyn.

Psalmyn 22:26

Nee ny boghtyn gee, as bee ad er nyn yannoo magh: adsyn ta shirrey lurg y Chiarn, moyllee ad eh; bee’n cree eu bio son dy-bragh,

Psalmyn 27:6

As nish troggee eh seose my chione: er-skyn my noidyn mygeayrt-y-moom.

Psalmyn 50:23

Quoi-erbee ta chebbal dou booise as moylley, t’eh cur onnor dou: as dasyn, ta reill e ymmyrkey dy cair, soilshee-yms saualtys Yee.

Psalmyn 56:12

Dhyts, O Yee, eeck-ym my vreearaghyn: dhyts ver-ym booise.

Psalmyn 61:8

Myr shen goym dy-kinjagh arrane-moyllee gys dt’Ennym: dy voddym gagh-laa my vreearaghyn y chooilleeney.

Psalmyn 65:1

T’ow uss, O Yee, er ny voylley ayns Sion: as dhyts vees y breearrey er ny chooilleeney ayns Jerusalem.

Psalmyn 69:32

Nee shoh myrgeddin yn Chiarn y wooieys: ny share na dow ta eairkyn as yngnyn er.

Psalmyn 76:11

Jean-jee gialdyn da’n Chiarn y Jee eu, as cooilleen-jee eh, ooilley shiuish ta mygeayrt-y-mysh: cur-jee lhieu giootyn huggeysyn lhisagh aggle ve goit roïsh.

Psalmyn 76:12

Nee eshyn ginjillaghey spyrryd prinsyn: as t’eh yindyssagh mastey reeaghyn y thallooin.