Psalmyn 47:8 - Lioar ny Psalmyn 1765 (Pointed)

⁸ Ta Jee reill harrish ny ashoonyn: ta Jee ny hoie er e stoyl-reeoil chasherick.

Yn Vible Casherick 1775 1819

⁸ Ta Jee reill harrish ny ashoonyn: ta Jee ny hoie er e stoyl-reeoil chasherick.

Psalmyn 47:8 ပူးပေါင်းရင်းမြစ်များ

Psalmyn 110:6

Ver eh briwnys mastey ny ashoonyn; lhieenee eh ny ynnydyn lesh ny kirp marroo: as ard-reilltee ymmodee cheeraghyn y chur fo-chosh.

Psalmyn 48:1

Mooar ta’n Chiarn, as dy-ard dy v’er ny voylley: ayns ard-valley yn Jee ain, dy-jarroo er e chronk chasherick.

Psalmyn 89:14

Ta roih niartal ayd: s’lajer ta dty laue’s, as ard ta dty laue yesh.

Psalmyn 9:4

Son t’ow er vendeil my chairys as my chooish: t’ow dty hoie er stoyl-reeoil dy vriwnys cairagh.

Psalmyn 93:1

Ta’n Chiarn ny Ree, as er choyrt mysh coamrey gloyroil: ta’n Chiarn er choyrt er e gharmad, as er chomm'rey eh hene lesh niart.

Psalmyn 94:20

Bee veg ayds dy yannoo rish y stoyl-briwnys dy vee-chairys: ta cummey yn aggair myr y leigh?

Psalmyn 96:10

Insh-jee mastey ny ashoonyn, dy nee yn Chiarn y Ree: as dy nee eshyn eh t’er n’yannoo yn seihll rhunt cha shickyr nagh vod eh ve er ny scughey, as kys dy jean eh yn pobble y vriwnys dy-cairagh.

Psalmyn 97:1

Ta’n Chiarn yn Ree, foddee’n seihll goaill boggey jeh: dy-jarroo, foddee ny ymmodee ellanyn boggey ’ghoaill jeh.

Psalmyn 99:1

She yn Chiarn y Ree, lhig da’n pobble girree magh myr sailliu: t’eh ny hoie eddyr ny cherubimyn ga dy vel y seihll cha anveagh.

Psalmyn 99:2

S’mooar ta’n Chiarn ayns Sion: as ard er-skyn dy-chooilley phobble.