Psalmyn 46:1 - Lioar ny Psalmyn 1765 (Pointed)

¹ She Jee nyn dreishteil as niart: cooney feer faggys ayns seaghyn.

Yn Vible Casherick 1775 1819

¹ She Jee nyn dreishteil as niart: cooney feer faggys ayns seaghyn.

Psalmyn 46:1 ပူးပေါင်းရင်းမြစ်များ

Psalmyn 14:6

Ta’n beeal oc laane dy ghweeaghyn as dy herriuid: ta ny cassyn oc tappee dy gheayrtey fuill.

Psalmyn 142:5

Cha row ynnyd erbee aym dy chea huggey son sauchys: as cha row dooinney erbee ren scansh jeh my vioys.

Psalmyn 145:18

Ta’n Chiarn er-gerrey dauesyn ooilley ta geamagh er: dy-jarroo, dauesyn ooilley ta geamagh er ayns ynrickys.

Psalmyn 42:1

Myr ta’n feeaïh shirrey lurg ny strooanyn ushtey: myr shen ta m’annym goaill foddeeaght dty yeih’s, O Yee.

Psalmyn 46:11

Ta’n Jee dy heshaght-chaggee flaunys mârin: she Jee Yacob nyn gemmyrk.

Psalmyn 46:7

Ta’n Chiarn dy heshaght-chaggee flaunys mârin: she Jee Yacob yn chemmyrk ain.

Psalmyn 48:1

Mooar ta’n Chiarn, as dy-ard dy v’er ny voylley: ayns ard-valley yn Jee ain, dy-jarroo er e chronk chasherick.

Psalmyn 66:1

O bee-jee gerjoil ayns Jee, ooilley shiuish cheeraghyn: gow-jee arraneyn-moyllee gys onnor e Ennym; cur-jee er e voylley dy ve gloyroil.

Psalmyn 84:1

O cre cha eunyssagh ta dty chummallyn: uss Hiarn dy heshaght flaunys!

Psalmyn 85:1

Hiarn, t’ow er jeet dy ve graysoil da dty heer: t’ow er hyndaa ersooyl cappeeys Yacob.

Psalmyn 87:1

Ta ny undinyn eck er ny croink chasherick: shynney lesh y Chiarn giattyn Sion ny share na ooilley cummallyn Yacob.

Psalmyn 9:9

Bee yn Chiarn neesht fendeilys dauesyn ta tranlaasit: dy-jarroo kemmyrk ayns y traa cooie dy heaghyn.