Psalmyn 43:1 - Lioar ny Psalmyn 1765 (Pointed)

¹ Cur briwnys er my cheu, O Yee, as jean my chooish y endeil noi’n sleih mee-chrauee: O jean m'y livrey veih’n dooinney molteyragh as olkyssagh.

Yn Vible Casherick 1775 1819

¹ Cur briwnys er my heu, O Yee, as jean my chooish y endeil noi’n sleih mee-chrauee: O jean m’y livrey veih’n dooinney molteyragh as olkyssagh.

Psalmyn 43:1 ပူးပေါင်းရင်းမြစ်များ

Psalmyn 140:5

Ta ny mooaralee er hoiaghey ribbeh er my hon, as er skeayley magh lieen dy-lhean lesh coyrdyn: dy-jarroo t’ad er hoiaghey trappyn ayns my raad.

Psalmyn 26:1

Bee uss my vriw, O Hiarn, son ta mee er n’ymmyrkey mee hene gyn loght: ta my varrant neesht er ny ve er y Chiarn, er-y-fa shen cha duittym.

Psalmyn 35:1

Gow my chooish ayns laue, O Hiarn, roosyn ta streeu rhym: as jean uss caggey noi ocsyn ta caggey m’oï.

Psalmyn 35:24

Jean mish y vriwnys, O Hiarn my Yee, cordail rish dty chairys: as ny lhig daue boggyssagh harrym.

Psalmyn 5:6

Nee uss adsyn y stroie ta loayrt breagyn: ver y Chiarn feoh chammah da’n dooinney foalley as da’n er molteyragh.

Psalmyn 54:3

Son ta joarreeyn er n’irree seose m’oï: as ta tranlaasee nagh vel Jee oc roish nyn sooillyn shirrey lurg my vioys.

Psalmyn 7:7

As myr shen hig chaglym y phobble mygeayrt-y-mood: er y ghraih ocsyn eisht trogg seose oo hene reesht.

Psalmyn 7:8

Nee’n Chiarn yn pobble y vriwnys; cur briwnys lhiam, O Hiarn: lurg my ynrickys, as cordail rish y neu-loghtynid t’ayn-ym.

Psalmyn 7:9

O lhig da olkys ny mee-chrauee cheet gys jerrey: agh jean uss yn sleih ynrick y leeideil.

Psalmyn 71:4

Son dty lurg’s, O Hiarn Yee, ta mee goaill foddeeaght: uss my hreishteil, dy-jarroo veih m’aegid.

Psalmyn 75:7

Son cha vel stayd ard cheet veih’n niar, ny veih’n neear: ny foast veih’n jiass.