Psalmyn 32:10 - Lioar ny Psalmyn 1765 (Pointed)

¹⁰ Ny bee-jee shiuish goll-rish cabbyl ny mule, ta fegooish tushtey: yn beeall oc shegin y ve smaghtit lesh beealraghyn as streean, er aggle dy roih ad ort.

Psalmyn Ghavid 1761 (Metrical)

¹⁰ Agh cronney ny mee-arryssee, Vees trimshey, pian as baase.

Yn Vible Casherick 1775 1819

¹⁰ Ny bee-jee shiuish goll-rish cabbyl ny mule, ta fegooish tushtey: yn beeal oc shegin y ve smaghtit lesh beealraghyn as streean, er-aggle dy roie ad ort.

Psalmyn 32:10 ပူးပေါင်းရင်းမြစ်များ

Psalmyn 11:6

Ta’n Chiarn lowal jeh’n sleih cairagh: agh ta dwoaie ec e annym er y vee-chrauee, as ersyn ta sleeuit er olkys.

Psalmyn 140:11

Cha jig y feanish foalsey er y hoshiaght er y thalloo: nee olk yn dooinney tranlaasagh y helg gys e hoyrt-mow.

Psalmyn 146:5

Ta er chroo niau as thalloo, yn faarkey, as ooilley ny t’ayndoo: ta freayll e yialdyn son dy-bragh.

Psalmyn 147:11

Agh ta taitnys ec y Chiarn ayndoosyn ta goaill aggle roïsh: as ta coyrt nyn dreishteil ayns e vyghin.

Psalmyn 16:4

Agh adsyn ta geiyrt er Jee elley: yiow seaghyn mooar.

Psalmyn 2:12

Cur-jee ooashley da’n Mac, nagh bee eh jymmoosagh, as myr shen shiu dy herraghtyn veih’n raad cair: my vees e chorree er ny vrasnaghey, (agh ny veggan;) bannit t’adsyn ooilley ta coyrt nyn dreishteil aynsyn.

Psalmyn 34:8

O blasht-jee, as jeeagh-jee, cre cha graysoil ta’n Chiarn: bannit yn dooinney ta coyrt e varrant ersyn.

Psalmyn 40:4

Nee ymmodee fakin shoh, as aggle y ghoaill: as ver ad nyn dreishteil ayns y Chiarn.

Psalmyn 5:12

As lhig dauesyn ooilley ta coyrt nyn dreishteil ayn-yds, boggey ’ghoaill: bee adsyn dy-kinjagh coyrt booise, son dy vel oo fendeil ad; adsyn ta graihagh er dt’Ennym, vees laane dy voggey ayn-yds.

Psalmyn 84:12

Son ta’n Chiarn Jee ny hoilshey as fendeilagh: ver y Chiarn grayse as gloyr: as cha bee nhee mie erbee er ny chummal vowesyn ta leeideil bea chrauee.