Psalmyn 31:2 - Lioar ny Psalmyn 1765 (Pointed)

² Cromm sheese dty chleaysh hym: jean siyr dy my livrey.

Yn Vible Casherick 1775 1819

² Croym sheese dty chleaysh hym: jean siyr dy my livrey.

Psalmyn 31:2 ပူးပေါင်းရင်းမြစ်များ

Psalmyn 102:2

Ny follee dt’eddin voym ayns earish my heaghyn: cromm dty chleayshyn hym tra ta mee geamagh; O eaisht rhym, as shen dy feer leah.

Psalmyn 130:2

O lhig da dty chleayshyn geill y choyrt: da coraa m’accan.

Psalmyn 143:7

Eaisht rhym, O Hiarn, as shen dy-leah, son ta my spyrryd gannooinaghey: ny follee voym dt’eddin, nagh bee’m casley roosyn ta goll sheese ayns yn oaie.

Psalmyn 25:2

Son cha bee veg jeusyn ooilley ta treishteil ayn-yds er nyn naaraghey: agh bee nyn lheid as ta girree-magh gyn oyr er nyn ghoyrt bun-ry-skyn.

Psalmyn 40:17

Lhig dauesyn ve er nyn ghoyrt gys nearey, as er nyn gastey cooidjagh, ta shirrey lurg m’annym dy stroie eh: lhig daue v’er nyn imman gour nyn drommey dy-scammyltagh, ta wooishal olk dou.

Psalmyn 62:7

Ayns Jee ta my lhaynt as my ghloyr: creg my niart, as ayns Jee ta my hreishteil.

Psalmyn 69:17

Clasht rhym, O Hiarn, son ta dty chenjallys-ghraihagh gerjoilagh: chyndaa uss hyms cordail rish earroo dty vyghinyn.

Psalmyn 7:2

Er aggle dy stroie eh my vioys myr lion, as eh y raipey dy peeshyn: choud as nagh vel unnane dy chooney lhiam.

Psalmyn 79:1

O Yee, ta ny ashoonyn-quaagh er jeet stiagh ayns dt’eiraght: dty hiamble casherick t’ad er yannoo neu-ghlen, as er yannoo Jerusalem carnane dy chlaghyn.

Psalmyn 86:1

Cromm dty chleaysh, O Hiarn, as clasht rhym: son ta mee boght, as ayns treihys.

Psalmyn 90:1

Hiarn, t’ow uss er ve nyn gemmyrk: veih sheeloghe gys sheeloghe.

Psalmyn 91:9

Son t’ow uss, Hiarn, my yerkal: t’ow er hoiaghey yn thie ayd dy chemmyrk feer ard.

Psalmyn 94:22

Agh yn Chiarn my chemmyrk: as my Yee niart my hreishteil.