Psalmyn 28:2 - Lioar ny Psalmyn 1765 (Pointed)

² Eaisht rish coraa my aghinyn imlee, tra ta mee geamagh ort: tra ta mee troggal seose my laueyn gys stoyl-y-vyghin dty hiamble casherick.

Yn Vible Casherick 1775 1819

² Eaisht rish coraa my aghinyn imlee, tra ta mee geamagh ort: tra ta mee troggal seose my laueyn gys stoyl-y-vyghin dty hiamble casherick.

Psalmyn 28:2 ပူးပေါင်းရင်းမြစ်များ

Psalmyn 125:5

Er son nyn lheid as ta chyndaa reesht gys yn olkys oc hene: leeid-ee yn Chiarn ad magh marish ny drogh-yantee; agh bee shee er Israel.

Psalmyn 130:2

O lhig da dty chleayshyn geill y choyrt: da coraa m’accan.

Psalmyn 134:2

Shiuish ta ’syn oie shassoo (shirveish) ayns thie yn Chiarn: dy-jarroo ayns cooyrtyn thie yn Jee ain.

Psalmyn 138:2

Nee’m ooashley ’choyrt kiongoyrt rish dty hiamble casherick, as dt’Ennym y voylley, er coontey dty chenjallys-ghraihagh as dt’ynrickys: son t’ow er ghloyraghey dt’Ennym as dty Ghoo er-skyn dy-chooilley nhee.

Psalmyn 140:6

Dooyrt mee rish y Chiarn, She uss my Yee: eaisht rish coraa my phadjeryn, O Hiarn.

Psalmyn 141:1

Hiarn, ta mee geamagh ort, jean siyr hym: as cur geill da my choraa, tra ta mee jannoo m’accan hood.

Psalmyn 141:2

Lhig da my phadjer v’er ny hebbal ayns dt’enish myr yn incense: as lhig da troggal seose my laueyn ’ve myr oural yn astyr.

Psalmyn 143:6

Ta mee sheeyney magh my laueyn hoods: ta m’annym mennuigh er dty hon myr thalloo sponkit.

Psalmyn 5:7

Agh er my hon’s, hig-ym gys dty hie, er eer ymmodee dty vyghin: as ayns dty aggle ver-yms ooashley kiongoyrt rish dty hiamble casherick.

Psalmyn 63:4

Son ta dty chenjallys-ghraihagh ny share na’n vioys hene: nee my veillyn oo y voylley.