Psalmyn 27:9 - Lioar ny Psalmyn 1765 (Pointed)

⁹ Ta my chree er yannoo imraa jeed’s; Shirr-jee my eddin: Dt’eddin, Hiarn, nee’ms y hirrey.

Yn Vible Casherick 1775 1819

⁹ Ta my chree er yannoo imraa jeed’s; Shir-jee my eddin: Dt’eddin, Hiarn, neem’s y hirrey.

Psalmyn 27:9 ပူးပေါင်းရင်းမြစ်များ

Psalmyn 102:2

Ny follee dt’eddin voym ayns earish my heaghyn: cromm dty chleayshyn hym tra ta mee geamagh; O eaisht rhym, as shen dy feer leah.

Psalmyn 102:3

Son ta my laghyn er lheïe ersooyl myr jaagh: as ta my chraueyn chyrmit seose myr smaraag aile.

Psalmyn 119:121

Ta mee dellal ayns y chooish ta lowal as jeeragh: O ny faag mee fo pooar my hranlaasee.

Psalmyn 13:1

Caid nee oo m'y yarrood, O Hiarn, nee son dy-bragh? caid nee oo follaghey dt’eddin voym?

Psalmyn 143:7

Eaisht rhym, O Hiarn, as shen dy-leah, son ta my spyrryd gannooinaghey: ny follee voym dt’eddin, nagh bee’m casley roosyn ta goll sheese ayns yn oaie.

Psalmyn 24:5

Yiow eshyn yn bannaght veih’n Chiarn: as cairys veih Jee e haualtys.

Psalmyn 44:24

Cre’n-oyr t’ow follaghey dt’eddin: as jarrood nyn dreihys as seaghyn?

Psalmyn 51:11

Ny tilg mee ersooyl veih dt’enish: as ny gow dty Spyrryd Casherick voym.

Psalmyn 69:17

Clasht rhym, O Hiarn, son ta dty chenjallys-ghraihagh gerjoilagh: chyndaa uss hyms cordail rish earroo dty vyghinyn.

Psalmyn 69:18

As ny follee dt’eddin veih dty harvaant, son ta mee ayns seaghyn: O jean siyr, as eaisht rhym.

Psalmyn 88:1

O Hiarn Yee dy my haualtys, ta mee er n’eamagh laa as oie kiongoyrt rhyts: O lhig da my phadjer cheet stiagh ayns yn enish ayds, cromm dty chleaysh gys m’eam;