Psalmyn 22:23 - Lioar ny Psalmyn 1765 (Pointed)

²³ O moylley-jee yn Chiarn, shiuish ta goaill aggle roïsh: cur-jee ard-voylley da, ooilley shiuish jeh sluight Yacob, as gow-jee aggle roïsh, ooilley shiuish sluight Israel.

Yn Vible Casherick 1775 1819

²³ O moylley-jee yn Chiarn, shiuish ta goaill aggle roish: cur-jee ard-voylley da, ooilley shiuish jeh sluight Yacob, as gow-jee aggle roish, ooilley shiuish sluight Israel.

Psalmyn 22:23 ပူးပေါင်းရင်းမြစ်များ

Psalmyn 106:5

Dy voddym fakin maynrys dty chloan reiht: as boggey ’ghoaill ayns gennallys dty phobble, as booise y choyrt marish dty eiraght.

Psalmyn 109:30

Son shassee eh ec laue yesh y voght: dy hauail e annym veih briwnyn neu-chairagh.

Psalmyn 111:1

Ver-yms booise da’n Chiarn lesh ooilley my chree: ayns sheshaght er-lheh yn vooinjer chrauee, as ayns chaglym y pobble.

Psalmyn 115:11

Shiuish ta goaill aggle roish y Chiarn, cur-jee nyn dreishteil ayns y Chiarn: eshyn y fer-coonee as y fendeilagh oc.

Psalmyn 115:13

Nee eh adsyn y vannaghey ta goaill aggle roish y Chiarn: chammah beg as mooar.

Psalmyn 145:19

Cooilleenee eshyn yn yeearree ocsyn ta goaill aggle roïsh: clynnee eh myrgeddin yn eam oc, as cooinee eh lhieu.

Psalmyn 22:30

Nee adsyn ooilley ta er nyn injillaghey gys y joan [gys boghtynid] gliooney kiongoyrt rish: as cha vel dooinney erbee er vioghey e annym hene.

Psalmyn 26:12

Ta my chass shassoo dy kiart: ver-ym moylley da’n Chiarn ayns chaglym cooidjagh y phobble.

Psalmyn 33:8

Lhig da’n seihll ooilley aggle ’ghoaill roish y Chiarn: bee-jee er-creau roïshyn, ooilley shiuish cummaltee yn thallooin.

Psalmyn 35:18

Myr shen ver-yms booise dhyt ayns y chaglym mooar dy ’leih: nee’m dty voylley mastey mooarane pobble.

Psalmyn 50:23

Quoi-erbee ta chebbal dou booise as moylley, t’eh cur onnor dou: as dasyn, ta reill e ymmyrkey dy cair, soilshee-yms saualtys Yee.

Psalmyn 86:12

Ver-ym booise dhyts, O Hiarn my Yee, lesh ooilley my chree: as nee’m dt’Ennym y voylley son dy-bragh.