Psalmyn 22:19 - Lioar ny Psalmyn 1765 (Pointed)

¹⁹ Agh ny bee uss foddey voym, O Hiarn: she uss my chemmyrk; jean siyr dy chooney lhiam.

Psalmyn Ghavid 1761 (Metrical)

¹⁹ Ny treig mee ayns my heaghyn dowin, Ny follee dt’eddin voym; Tar uss, my chouyr; cha vel, my Yee, Fer-coonee elley ayn.

Yn Vible Casherick 1775 1819

¹⁹ Agh ny bee uss foddey voym, O Hiarn: she uss my chemmyrk; jean siyr dy chooney lhiam.

Psalmyn 22:19 ပူးပေါင်းရင်းမြစ်များ

Psalmyn 10:1

Cre hon t’ow shassoo choud jeh, O Hiarn: as follaghey dt’eddin ayns y traa fêmoil dy heaghyn?

Psalmyn 18:1

Ver-yms graih dhyt, O Hiarn, my niart; she’n Chiarn my chregg lajer, as m’endeilys: my Haualtagh, my Yee, as my hroshid, huggey ver-ym barrant; my eïlley-caggee, ynnyd-lajer myrgeddin my hauchys, as my chemmyrk.

Psalmyn 21:1

Nee’n Ree boggey ’ghoaill ayns dty niart, O Hiarn: feer yennal vees eh jeh dty haualtys.

Psalmyn 22:11

O ny treig mee, son ta seaghyn er-gerrey: as cha vel unnane dy chooney lhiam.

Psalmyn 40:13

Cha vel mee er vreayll ergooyl dty vyghin as firrinys: veih’n chaglym mooar.

Psalmyn 40:17

Lhig dauesyn ve er nyn ghoyrt gys nearey, as er nyn gastey cooidjagh, ta shirrey lurg m’annym dy stroie eh: lhig daue v’er nyn imman gour nyn drommey dy-scammyltagh, ta wooishal olk dou.

Psalmyn 70:5

Er my hon’s, ta mee boght as ayns treihys: jean siyr hym, O Yee.