Psalmyn 18:3 - Lioar ny Psalmyn 1765 (Pointed)

³ Haink angaishyn y vaaish mygeayrt-y-moom: as ren ny thooillaghyn dy vee-chraueeaght m'y agglaghey.

Yn Vible Casherick 1775 1819

³ Haink angaishyn y vaaish mygeayrt-y-moom: as ren ny thooillaghyn dy vee-chraueeaght m’y agglaghey.

Psalmyn 18:3 ပူးပေါင်းရင်းမြစ်များ

Psalmyn 144:1

Bannit dy row yn Chiarn my niart: ta gynsaghey my laueyn dy chaggey, as my veïr dy ghleck;

Psalmyn 145:3

S’mooar ta’n Chiarn, as yindyssagh, feeu dy v’er ny voylley: ta’n mooadys echey er-skyn roshtyn nyn dushtey.

Psalmyn 3:4

Deïe mee er y Chiarn lesh my choraa: as cheayll eh mee ass e chronk casherick.

Psalmyn 31:4

Son uss my chregg lajer, as my chashtal: bee uss neesht my leeideilagh, as cur mee er y raad er graih dt’Ennym.

Psalmyn 48:1

Mooar ta’n Chiarn, as dy-ard dy v’er ny voylley: ayns ard-valley yn Jee ain, dy-jarroo er e chronk chasherick.

Psalmyn 50:15

As eïe orryms ayns traa dy heaghyn: myr shen nee’ms geaishtagh rhyt, as nee oo mish y voylley.

Psalmyn 55:16

Lhig da baase cheet orroo dy-siyragh, as lhig daue goll sheese bio ayns yn oaie: son ta olkys ayns nyn gummallyn, as ny mast’ oc.

Psalmyn 62:3

Caid smooinys shiu er olk noi dy-chooilley ghooinney: hed shiu er stroie ooilley yn sorch eu; dy-jarroo, myr voall ta aarloo dy huittym vees shiu, as myr cleiy brisht.

Psalmyn 62:8

O cur-jee nyn marrant er dy-kinjagh, shiuish phobble: deayrt-jee magh nyn greeaghyn kiongoyrt rish; son ta Jee nyn dreishteil.

Psalmyn 71:3

Livrey mee, O my Yee, veih pooar ny mee-chrauee: veih laue yn dooinney neu-chairagh as dewill.

Psalmyn 76:4

T’ow jeh onnor as niart smoo: na croink ny roosteyryn.

Psalmyn 91:15

Nee eh geamagh orrym, as ver-ym clashtyn da: dy-jarroo, ta mee mârish ayns seaghyn; livrey-ym eh, as ver-ym lhiam eh gys onnor.

Psalmyn 91:2

Jirr-ym rish y Chiarn, Uss my hreishteil, as my hoor lajer: my Yee, ersyn ver-ym my varrant;

Psalmyn 96:4

Son ta’n Chiarn mooar, as cha vod eh dy-feeu ’ve er ny voylley: ta ny smoo dy aggle dy ve goit roïshyn na dy-chooilley Yee.