Psalmyn 145:1 - Lioar ny Psalmyn 1765 (Pointed)

¹ Ver-yms ard-voylley dhyt, O Yee my Ree: as nee’ms dty Ennym y vannaghey son dy-bragh as dy-bragh.

Psalmyn Ghavid 1761 (Metrical)

¹ Ard-voylley dhyt, O Hiarn my ree, Ard-ooashley dhyt dy bra;

Yn Vible Casherick 1775 1819

¹ Ver-yms ard-voylley dhyt, O Yee my Ree: as neem’s dty Ennym y vannaghey son dy bragh as dy bragh.

Psalmyn 145:1 ပူးပေါင်းရင်းမြစ်များ

Psalmyn 100:1

O bee-jee gerjoil ayns y Chiarn, ooilley shiuish cheeraghyn: shirveish-jee yn Chiarn lesh gennallys, as tarr-jee roish e enish lesh arrane.

Psalmyn 118:28

She uss my Yee, as ver-ym booise dhyt: uss my Yee, as ver-ym moylley dhyt.

Psalmyn 145:21

Loayr-ee my veeall jeh moylley’n Chiarn: as lhig da dy-chooilley chretoor booise y choyrt da’n Ennym casherick echey son dy-bragh as dy-bragh.

Psalmyn 146:2

O ny cur-jee nyn marrant er prinsyn, ny er veg jeh cloan gheiney: son cha vel veg y chooney ayndoo.

Psalmyn 149:2

Lhig da Israel boggey ’ghoaill aynsyn ren eh y chroo: as lhig da cloan Sion ’ve gennal ayns nyn Ree.

Psalmyn 30:1

Ver-yms ard-voylley dhyts, O Hiarn, son t’ow er my hoiaghey seose: as cha vel oo er lhiggey da my noidyn dy ve mooaralagh harrym.

Psalmyn 30:12

T’ow er hyndaa my hrimshey gys boggey: t’ow er choyrt jee’m my aanrit-sack, as er my chomm'rey lesh gennallys.

Psalmyn 30:2

O Hiarn my Yee, deïe mee hood: as t’ow er my lheihys.

Psalmyn 34:1

Ver-yms dy-kinjagh booise da’n Chiarn: bee e voylley dy-bragh ayns my veeall.

Psalmyn 44:4

Agh dty laue yesh, as dty roih, as soilshey dt’eddin: son dy row aigney mie ayd daue.

Psalmyn 45:1

Ta my chree smooinaghtyn er cooish vie: ta mee loayrt rish y Ree ny reddyn ta mee er n’yannoo.

Psalmyn 45:6

Ta dty hideyn feer virragh, as bee’n pobble er nyn injillaghey hoods: dy-jarroo ayns y vean mastey noidyn y Ree.

Psalmyn 5:2

O eaisht rish coraa my eam, my Ree, as my Yee: son hoods nee’m my phadjer.

Psalmyn 5:3

My choraa clynnee uss dy-leah, O Hiarn: dy-moghey nee’ms my phadjer y hebbal hoods, as jeeaghyn seose.

Psalmyn 52:9

Er my hon’s, ta mee myr billey-olive glass ayns thie Yee: ta my hreishteil ayns myghin meigh Yee son dy-bragh as dy-bragh.

Psalmyn 68:4

O gow-jee arrane gys Jee, as arraneyn-moyllee gys e Ennym: cur-jee ard-voylley dasyn ta markiagh er ny niaughyn, myr er cabbyl; cur-jee moylley da ayns e Ennym Jah, as gow-jee boggey kiongoyrt rish.

Psalmyn 75:9

Son ayns laue yn Chiarn ta cappan, as ta’n feeyn jiarg: te laane as seiyt, as t’eh deayrtey ass yn chooid cheddin.

Psalmyn 95:3

Son ta’n Chiarn ny Yee mooar: as ny Ree mooar er-skyn dy chooilley Yee.

Psalmyn 96:2

Gow-jee arrane da’n Chiarn, as moylley-jee yn Ennym echey: bee-jee ginsh jeh e haualtys veih laa dy laa.