Psalmyn 143:7 - Lioar ny Psalmyn 1765 (Pointed)

⁷ Eaisht rhym, O Hiarn, as shen dy-leah, son ta my spyrryd gannooinaghey: ny follee voym dt’eddin, nagh bee’m casley roosyn ta goll sheese ayns yn oaie.

Psalmyn Ghavid 1761 (Metrical)

⁷ Eaisht rhym dy leah, ta mee failleil, Voym, Hiarn, ny chyndaa dt’oaie, Nagh bee’m goll roo ta gyn treishteil, Hees dowin nyn lhie ’syn oaie.

Yn Vible Casherick 1775 1819

⁷ Eaisht rhym, O Hiarn, as shen dy leah, son ta my spyrryd gannooinaghey: ny follee voym dt’eddin, nagh bee’m casley roosyn ta goll sheese ayns yn oaie.

Psalmyn 143:7 ပူးပေါင်းရင်းမြစ်များ

Psalmyn 102:2

Ny follee dt’eddin voym ayns earish my heaghyn: cromm dty chleayshyn hym tra ta mee geamagh; O eaisht rhym, as shen dy feer leah.

Psalmyn 22:24

Son cha vel eh er hoiaghey beg jeh, ny er hreigeil stayd inshil y voght: cha vel eh er ollaghey e eddin veih, agh tra deïe eh er, hug eh clashtyn da.

Psalmyn 27:9

Ta my chree er yannoo imraa jeed’s; Shirr-jee my eddin: Dt’eddin, Hiarn, nee’ms y hirrey.

Psalmyn 28:1

Hoods nee’m geamagh, O Hiarn my niart: ny jean beg y hoiaghey jee’m, er aggle mannagh jean oo m'y chlashtyn, dy bee’m casley roosyn ta goll sheese gys yn oaie.

Psalmyn 40:17

Lhig dauesyn ve er nyn ghoyrt gys nearey, as er nyn gastey cooidjagh, ta shirrey lurg m’annym dy stroie eh: lhig daue v’er nyn imman gour nyn drommey dy-scammyltagh, ta wooishal olk dou.

Psalmyn 69:17

Clasht rhym, O Hiarn, son ta dty chenjallys-ghraihagh gerjoilagh: chyndaa uss hyms cordail rish earroo dty vyghinyn.

Psalmyn 69:18

As ny follee dt’eddin veih dty harvaant, son ta mee ayns seaghyn: O jean siyr, as eaisht rhym.

Psalmyn 69:3

Ta mee skee lesh geam, ta my scoarnagh chirrym: ta my hoilshey dy m’ailleil son farkiaght choud er my Yee.

Psalmyn 70:5

Er my hon’s, ta mee boght as ayns treihys: jean siyr hym, O Yee.

Psalmyn 71:12

Agh er my hon’s, nee’m dy-meen farkiaght dy-kinjagh: as moyll-ym oo ny smoo as ny smoo.

Psalmyn 84:2

Ta m’annym geearree as goaill foddeeaght dy gholl stiagh ayns cooyrtyn y Chiarn: ta my chree as m’eill goaill boggey ayns y Jee bio.