Psalmyn 125:1 - Lioar ny Psalmyn 1765 (Pointed)

¹ Bee adsyn ta coyrt nyn dreishteil ayns y Chiarn, dy-jarroo myr cronk Sion: nagh vod v’er ny scughey, agh ta shassoo shickyr er son dy-bragh.

Yn Vible Casherick 1775 1819

¹ Bee adsyn ta coyrt nyn dreishteil ayns y Chiarn, dy jarroo myr cronk Sion: nagh vod v’er ny scughey, agh ta shassoo shickyr er son dy bragh.

Psalmyn 125:1 ပူးပေါင်းရင်းမြစ်များ

Psalmyn 120:1

Tra va mee ayns seaghyn deïe mee gys y Chiarn: as ren eh m'y chlashtyn.

Psalmyn 121:1

Trogg-ym seose my hooillyn gys ny croink: vouesyn ta my chooney cheet.

Psalmyn 122:1

S’mooar va my voggey tra dooyrt ad rhym: Nee mayd goll gys thie’n Chiarn.

Psalmyn 123:1

Hoods ta mee troggal seose my hooillyn: O uss ta cummal ayns ny niaughyn.

Psalmyn 124:1

Er-be dy row yn Chiarn hene er nyn lieh, foddee Israel nish gra: er-be dy row yn Chiarn hene er nyn lieh, tra dirree sleih seose nyn ’oï;

Psalmyn 147:11

Agh ta taitnys ec y Chiarn ayndoosyn ta goaill aggle roïsh: as ta coyrt nyn dreishteil ayns e vyghin.

Psalmyn 20:8

T’adsyn er nyn goyrt fo-chosh, as er duittym: agh ta shinyn er droggal, as shassoo dy-shickyr.

Psalmyn 25:2

Son cha bee veg jeusyn ooilley ta treishteil ayn-yds er nyn naaraghey: agh bee nyn lheid as ta girree-magh gyn oyr er nyn ghoyrt bun-ry-skyn.

Psalmyn 25:8

Adsyn ta imlee nee eh leeideil ayns briwnys: as dauesyn ta meen, ynsee eh e raad.

Psalmyn 27:1

Yn Chiarn my hoilshey as my haualtys; quoi roish eisht ghoym aggle: yn Chiarn niart my vea; quoi roish eisht vee’m agglagh?

Psalmyn 34:22

Ta’n Chiarn cur feaysley da anmeenyn e harvaantyn: as adsyn ooilley ta cur nyn marrant ersyn, cha bee ad er nyn dreigeil.

Psalmyn 46:5

Ta Jee ayns y vean ec, shen-y-fa cha bee ee er ny scughey: nee Jee cooney lh'ee, as shen dy feer voghey.

Psalmyn 46:6

Ta ny ashoonyn goaill lane bea orroo, as ta ny reeriaghtyn er nyn scughey: agh ta Jee er hoilshaghey e choraa, as nee’n seihll lheïe ersooyl.

Psalmyn 62:2

Eshyn dy-feer my niart as my haualtys: eshyn my endeil, myr shen nagh bee my lhieggey mooar.

Psalmyn 62:3

Caid smooinys shiu er olk noi dy-chooilley ghooinney: hed shiu er stroie ooilley yn sorch eu; dy-jarroo, myr voall ta aarloo dy huittym vees shiu, as myr cleiy brisht.

Psalmyn 62:6

Eshyn dy-firrinagh my niart as my haualtys: eshyn my endeilagh, myr shen nagh duittym.

Psalmyn 62:7

Ayns Jee ta my lhaynt as my ghloyr: creg my niart, as ayns Jee ta my hreishteil.