Psalmyn 11:2 - Lioar ny Psalmyn 1765 (Pointed)

² Son cur-my-ner, ta ny mee-chrauee loobey nyn mhow, as jannoo aarloo nyn sideyn ayns y whiver: dy vod ad lhiggey gyn-yss orroosyn ta ynrick ayns cree.

Yn Vible Casherick 1775 1819

² Son cur-my-ner, ta ny mee-chrauee lhoobey nyn mhow, as jannoo aarloo nyn sideyn ayns y whiver: dy vod ad lhiggey gyn-yss orroosyn ta ynrick ayns cree.

Psalmyn 11:2 ပူးပေါင်းရင်းမြစ်များ

Psalmyn 10:2

Ta’n mee-chrauee dy chooilleeney e aigney hene jannoo tranlaase er y voght: lhig daue hene ve goit ayns ny kialgyn croutagh t’ad er ghoaill ayns nyn smooinaghtyn.

Psalmyn 125:4

Jean mie, O Hiarn: dauesyn ta mie as firrinagh ayns cree.

Psalmyn 142:3

Tra va my spyrryd ayns trimshey, va sooill ayd er my chassan: ayns y raad va mee shooyll t’ad dy-follit er hoiaghey ribbeh er my hon.

Psalmyn 21:12

Shen-y-fa ver oo orroosyn cooyl y choyrt: as strengyn dty vhow nee oo aarloo noi’n eddin oc.

Psalmyn 32:11

Ta kerraghey trome gour ny mee-chrauee: agh eshyn ta coyrt e varrant er y Chiarn, ta myghin lhiantyn huggey er dagh cheu.

Psalmyn 37:14

Ta’n vee-chrauee er dayrn y cliwe, as er lhoobey nyn mhow: dy lieggal sheese y boght as yn ymmyrchagh, as dy stroie ny lheid ocsyn ta jeh ymmyrkey yeeragh.

Psalmyn 64:10

Gow-ee yn dooinney cairagh boggey ayns y Chiarn, as ver eh e hreishteil ayn: as nee adsyn ooilley ta firrinagh ayns cree, boggey ’ghoaill.

Psalmyn 7:10

Son ta’n Jee cairal: prowal ny creeaghyn, as ny meeaghyn.

Psalmyn 7:12

Ta Jee briw cairagh, niartal as surransagh: as ta Jee er ny vrasnaghey dy-chooilley laa.

Psalmyn 94:15

Derrey hyndaa's cairys reesht gys briwnys: nee adsyn ooilley ta firrinagh ayns cree, geiyrt er.

Psalmyn 97:11

Ta soilshey er n’irree son y vooinjer chairagh: as gennallys gherjoilagh dauesyn ta dy chree firrinagh.