Mataio 7:2 - Paicî

² Ba é pitèigà, pwacèwii ê pai pitèi kâgà wà pàra tàpé, â ée mwa pwa tâgà ê pwina gà pwa tàra!

Mataio 7:2 ပူးပေါင်းရင်းမြစ်များ

Jacques 2:13

Ba wiàna câgà caa meaari pàra tàpé [ma pwanaurirà] â o câgà caa pâmari ê pimeaari [ma ipwanauri] naa na aupitèimuru kà Pwiduée. Êco na, wiàna gà pwi a-imeaari, â gà pwanauri tèpa âboro, â gà mwa pâmari pâ, wà Pwiduée, âna o câé caa pitèigà; â ée nye meaarigà ma pwanaurigà.

Maréko 4:24

 é ina tàra mwara pâ: «Guwà pwacôoco bwàti ê pwina guwà têre, [ba na pwa tàwà ê autâmogòori goo]! Ba ée mwa pwa tàwà wà Pwiduée, ê pwina guwà pwa tà pàra tàpé.  ée mwa pwa cèna piwéna jii ê pwina guwà pwa.

Luka 6:38

 gà naa, [naa goro piticèmuru naa goo] ba gà o tòpi. Ba o nye piâjagò tâgà côwâ.  guwà o mwa tòpi pâ muru na piêdò ma piwéna. Ba o naa tâgà, pwacèwii ê pai naa kâgà tà pàra tàpé.»

Auinapàpari 18:6

Go o mwa papòé. Naa wârimuru têe wiâra pâ èpà kêe. Naa têe na dau maina jii ê pwina é pwa. Pwaai wârado kêe. Ba é naa dipâa kêe [târa tubaèpà târa pâ Ba]. Pwaai mwara goro dipâa na gòo, ba na é wâdo côwâ. [Â ée dau maagé goo.]

2 Korénito 9:6

Wàépwiri ê pwina go tàgére ina tàwà: Wà pwina é picâmi ba kîri, â é nye piûnya ba kîri. Â wà pwina é picâmi ba maina, â é nye piûnya ba maina.

Mataio 6:14

«Ba go ina tàwà pâ: Na guwà pwanauri tà pàra tàpé ê pâ èpà na rà pwa, â é pwanauri tàwà mwara wà Pwiduée Caa kàwà nidò napwéretòotù.