Maréko 8:12 - Paicî

¹² Â é watàu wà Iésu, â é ina pâ: «Gona gorodà na rà ciburà ilari cè câmu kêe wà tèpa âboro nabà? Â go ina tàwà ê âjupâra pâ: O càra caa côo cè câmu kâra pàtàmee wà tèpa âboro nabà!»

Maréko 8:12 ပူးပေါင်းရင်းမြစ်များ

Mataio 12:38

Gée na càùé, â wà pàra tèpa *dotée goro ê Naèà ma wà pàra tèpa Farasaio, âna rà ina tà wà Iésu, pâ: «Pwi a pwa pupûra, paari tâbà cè *câmu kâra pàtàmee na wâgoogà.»

Mataio 16:4

Ba tàutàwà na guwà pitêre dà Pwiduée, ba guwà tèpa pwa na èpà! Wâguwà tèpa âboro nabà, âna guwà ciburà ilari jiié cè câmu kâra ê pàtàmee. Êco na nye ticè câmu kêe na guwà mwa caa côo mwara jii i pwi ia é tèepaa tà *péroféta Iona.» Â é pâra jiirà wà Iésu.

Maréko 3:5

 é po niârirà burà putàmu wà Iésu. É pikîri, ba bwaa dau gòo pûrurà.  é ina tà pwi âboro bèeni pâ: «Gà patàrù ê îgà.»  é patàrù i îê, â é nye wâdé kaa.

Maréko 6:6

 é dau pò, ba nye dau càra caa cèikî ê pâ âboro. Gée na càùé, â é pâra wà Iésu nau picémara ê Popai, naa na diri ê pâ village, na tâbèepi wâ Nazareth.

Maréko 7:34

 é tagòtùé too naa napwéretòotù wà Iésu, â é ôomaa ba maina.  é ina tà i pwi âboro pâ: «Effata!» (Pai ina wèe pâ: Gà tàpirigà!)

Maréko 8:13

 [é picijajai, â] é pâra jiirà.  é tò naa gò i wànga, â é gée naanigée na ére gée côwâ.

Maréko 9:19

É ina tàra wà Iésu pâ: «Au, [go nyi meaariwà] wâguwà tèpa âboro nabà, ba bwaa câguwà caa cèikî! Tiagoro wiidà na go o bwaa nye tà tâa jaawà, ma pidàpwicâariô naa goowà? Popa me i pwi nari âboro èpo!»

Luka 19:41

É pâmwünyabweri Iérusaléma wà Iésu, â ûna é côo i ville na coo béaa kêe, â é imuruê.