Maréko 14:22 - Paicî

²² Ûna rà pi-ija naima, â é popa ê poloa wà Iésu. Â é pwaolé tà Pwiduée. Â é tubiti, â é naa jècaari tà tèpa câmu kêe, â é ina tàra pâ: «Guwà ija, ba êni, âna naiio.»

Maréko 14:22 ပူးပေါင်းရင်းမြစ်များ

Maréko 14:24

 é ina tàra pâ: «Êni, âna domii kôo, na o jèe joro ba kà tèpa âboro; domii na é pacoo ê *auipwataâboro na é pwa wà Pwiduée, [bétòpò pinaanapô naa nabibiu kàwà ma wàé].

Luka 24:30

Nabwé, ûna rà tâa goro taapà, â é popa ê poloa wà pwini, â é pwaolé tà Pwiduée, â é tubiti i poloa, â é ipâdi tàru.

Maréko 6:41

 é popa i 5 poloa ma i du ârawéà wà Iésu.  é tagòtùé too napwéretòotù, â é pwaolé tà Pwiduée.  é tubiti ê poloa, â é naa tà tèpa câmu kêe, â rà pipâdi târa ê pâ âboro.  é wàrapwiri târa mwara i du ârawéà.

Mataio 14:19

 nabwé, â é ina târa pâ âboro pâ, na rà tâaboo naawê.  é pa i 5 poloa ma i du ârawéà.  é tagòtùé too naa napwéretòotù, â é pwaolé tà Pwiduée.  é tubiti i poloa, â é naa tà tèpa câmu kêe, â rà ipâdi târa pâ âboro. [ é wàrapwiri tàra mwara i du ârawéà.]

1 Korénito 10:4

 rà cau wâdo mwara ê jawé na é naa tàra. Ba nye goro kaa ê pàtàmee, na é nama joro i jawé, gée goro pwi atü na pâra wiârà.  ê pwi atü bèepwiri, âna wà Kériso.

Maréko 10:16

 é nye popa kaa nyi nari èpo, â é tàmarà.  é tòpò îê naa gòrà, ba na é pwényunyuâarirà.

Maréko 14:21

Wâgo *Pwina naîri âboro, âna go o pâra nau bà, wàra na é jèe inapàpari ê *Tii Pwicîri. Â napwa naa goo wà pwi âboro na é pi-icurio, âna po dau pwaée kêe. Au! Wârico! Ba wà pwiibà, âna pwiri nye gére wâdé ba kêe wiàna càcaa gére pitèpaé!»

Maréko 14:23

 gée na càùé, â é popa ê wârado dipâa.  é pwaolé tà Pwiduée, â é naa tàra.  rà cau wâdo diri.

Luka 22:17

 é popa ê wârado dipâa.  é pwaolé tà Pwiduée, â é ina tàra pâ: «Guwà popa, â guwà cau wâdo jècaa.