Maréko 1:4 - Paicî

⁴ Êkaa na wàrapwiri, na é tèepaa me wà *Ioane Pwi a piupwaa, naa namaré. Â é tomara too pâ: «Guwà pinünüma ma guwà biiwà. Â guwà pwa ma *upwaawà, ba na paari pâ pitòotéri ê wâro kàwà. Â, na wàrapwiri, â ée mwa pwanauri tàwà ê pâ èpà kàwà wà Pwiduée.»

Maréko 1:4 ပူးပေါင်းရင်းမြစ်များ

Ioane 3:23

 wà Ioane mwara, âna é *piupwaa naa na ére wâ Énon, wâmwünyabweri Salim, gée goro na wâru najawé wê.  rà pâra wiâê ê pâ âboro, ba na é upwaarà naawê.

Mataio 3:6

 rà inapàpari ê pâ èpà kàra, na ara ê pâ âboro diri.  é *upwaarà naa nairiwâ Ioridano.

Luka 1:77

Gà o ina târa Ba kêe: Ée mwa pa-udòwà, [ba na guwà wâro]. Ée mwa pwanauri ê pâ èpà kàwà.

Apostolo 22:16

 êni, âna dà na gà cipacîri? Gà cimadò ma *upwaagà.  gà pwapwicîri tà Pwi Ukai, ba na o pwanauri ê pâ èpà'gà.”

Apostolo 10:37

«Guwà jèe tâmogòori ê pwina tèepaa béaa na Galilée, géewê, tia na diri ê napô *Judée, gée na càùru ê pai picémara ê *piupwaa kà Ioane.

Mataio 3:11

«Wâgo, âna go upwaawà goro jawé, târa ma o paari pâ guwà pitòotéri ê wâro kàwà. Êco na wà pwina ée mwa me pwicò kôo, âna ée mwa upwaawà goro Nyuâaê Pwicîri ma ânye. Wàé, âna dau pwa pàtàmee jiio, â càcaa pâriô ma go tipi ê otàpwe goro du wâraâê [ba é Pwi Ukai].

Maréko 1:5

 rà nye tà medari Ioane diri pâ âboro gée napô *Judée ma *Iérusaléma.  rà inapàpari ê pâ èpà kàra, naa naporomara ê pâ âboro diri.  é upwaarà, naa nairiwâ Ioridano.