Luka 6:9 - Paicî

⁹ Â é ina wà Iésu tà tàpé na rà tâa wê pâ: «Wànau? É *tàrù na tòotù pwicîri, na jè pwa pwina wâdé, é na jè pwa pwina èpà? Wâdé na jè pawâro pwi âboro, é, wâdé na jè panuâê ma é bà?»

Luka 6:9 ပူးပေါင်းရင်းမြစ်များ

Luka 14:3

 é tawèeri tèpa *dotée goro ê Naèà ma wà tèpa Farasaio pâ: «Gona muru pwicîri, é, nye pwa tàrù ma jè nama tiàu maagé kà pwi jè âboro, na tòotù pwicîri?»

Maréko 3:4

 é ina tà tàpé na rà tâa wê pâ: «Wànau? Pwa tàrù kâjè na tòotù pwicîri, ma jè pwa na wâdé, é, ma jè pwa pwina èpà? Wâdé na jè pawâro pwi âboro, é, wâdé na jè panuâê ma é bà?» Êco na càra caa tòpi têe.

Luka 9:56

Ba wâgo Pwina naîri âboro, âna câgo caa me, ba na rà bà wà tèpa âboro. Â go me, ba na rà udò.}» Â rà pâra naa na jè village.

Luka 6:8

É tâmogòori ê auniimiri kàra, wà Iésu â é ina tà pwina bà i îê pâ: «Gà cimadò, â gà me naani, na ara diri pâ âboro.» Â é cimadò wà pwiibà, [â é me naa jaa Iésu, na ara pâ âboro].

Luka 6:10

 é po niârirà diri wà Iésu.  é ina tà i pwi âboro pâ: «Gà patàrù ê îgà.»  é patàrù i îê, â é nye wâdé kaa.