Luka 5:5 - Paicî

⁵ Â é tòpi têe wà Simona pâ: «Ico pwi a pwa pupûra, gà côo: Bà jèe nye wakè kaa, diri na pé ne bèeni, â nye ticè cèna bà taa. Êco na, gée goro pai ina'gà tâbà, â go o pwa.»

Luka 5:5 ပူးပေါင်းရင်းမြစ်များ

Luka 17:13

Ûna rà bwaa wâiti jiié, â rà uu too ma ina pâ: «Pwi Ukai Iésu, gà meaaribà [ma pwa ma tiàu maagé kâbà]!»

Luka 8:24

 rà patàcî Iésu, â rà ina têe pâ: «Pwi a pwa pupûra, jè o jèe mwü!»  é pwa i pwéretòotù bau i nawià.  é nye coo kaa i pòu, â é nye po tànana kaa i napô.

Luka 8:45

É ina wà Iésu pâ: «Wàilàapà na tu naa goo i ârabwée kôo?» Â rà cau tòpi têe pâ: «Càcaa wàibà!» Â é ina têe wà Pétéru pâ: «Pwi a pwa pupûra, gorodà na gà ina pwiri? Ba gà côo, po dau wâru pâ âboro ni, â rà cibèepijè, â rà cau igabiarà naa googà!»

Luka 9:33

na pwa na ru pâra jiirà. Â é nye ina kaa wà Pétéru pâ: «Pwi a pwa pupûra, nye po dau wâdé tâbà, na bà gére tâa ni jaagà. Â wâdé na bà pacima cè tèpa âracié nacapè—ba kâgà jèpwi, â kà Moosé jèpwi, â kà Élia jèpwi.» É ina pwiri, ba câé caa tâmogòori cèna é ina, [goo pai dàpàgà têe].

Luka 9:49

É ina wà Ioane tà Iésu pâ: «Pwi a pwa pupûra, bà côo pwi jè âboro, na é tü târa ê pâ duée, naa na neegà. Â pwa na bà ina têe pâ, na é cibwaa pwa, ba câé caa pwi béejè.»

Ioane 15:14

Guwà tèpa béeò, wiàna guwà pitêre dàra pâ muru na go ina tàwà.

Ioane 2:5

 é ina wà nyaa kêe tà tèpa ênawéna pâ: «Guwà pwa diri ê pwina ée mwa ina tàwà.»

Ioane 21:3

 é ina tàra wà Simona Pétéru pâ: «Go bwaa pâra nau pwa puà.»  rà ina têe pâ: «O wàijè.»  rà pâra, â rà too naa na i wànga, â rà pâra nau pwa puà. Êco na, na pwi ne-bà, âna nye ticè ârapokâa kàra.