Luka 2:14 - Paicî

¹⁴ «Ipwamaina Pwiduée, nidò naa napwéretòotù! Bèe ma dàrébòo naani gòropuu! Moo ma awé ba kà diri tàpé na wâdé têe wàilà!»

Luka 2:14 ပူးပေါင်းရင်းမြစ်များ

Roma 5:1

Wà Pwiduée, âna é nama jè tèpa âboro na jè *tàrù gée goro ê cèikî kâjè. Â nabàni, âna jè tâa na ê pinaanapô ma wà Pwiduée na é naigé mee wà Pwi Ukai kâjè, Iésu Kériso.

Luka 19:38

 rà cau tomara too pâ: «Cidòri nyuâa Pwi Ukai bèeni! É me na nee Pwiduée, nee Pwi Ukai maina! Pinaanapô ma ipwamaina wânidò napwéretòotù; Cidòri ma tòbuari naa na autâa kêe!»

Kolosé 1:20

Gée goo wà Pwina naîê, âna é tòpò pinaanapô wà Pwiduée, naa nabibiu kêe ma wà diri tèpa âboro, ma diri pâ muru, wâni gòropuu ma wânidò napwéretòotù. É wàrapwiri goo ê domii kà Kériso [na joro na ia é bà] naa goro satauro. Nabwé!

Luka 1:79

É èù mari tàpé na rà tâa na bàutê, bàutê kâra pwâra bà. É tòcia tàra naigé naa na pinaanapô. Nabwé.»

Auinapàpari 5:13

 go têre ê pwâratùra, kâra diri ê pâ pwina é pwa wà Pwiduée naanidò napwéretòotù, ma wâni gòropuu, ma wâ nawià, ma wâboo côwâ kâra gòropuu.  rà cau nyabi diri pâ: «Ma jè pwamainaru: Pwi [Ukai maina] na é tâa goro autâa, ma Pwi nari mutô. Jè cagòtù-ru dàra gòiri! Pwa muugère kàru, nii ma gòo kàru, dàra gòiri awé! Nabwé!»

Apostolo 10:36

É jèe panuâ ê popai târa ê Ba *Isaraéla—ê Picémara Wâdé târa ê pinaanapô na é naigé mee wà Iésu Kériso, Pwi Ukai kâra diri ê pâ âboro.

Ioane 17:4

«Go jèe paari ê pai maina ma muugère'gà naani gòropuu. Ba go jèe tubamwara diri pâ wakè, na gà panuâ tôo ba na go pwa.

2 Tésalonika 2:16

Wà Pwiduée Caa kâjè, âna dau wânümee tâjè. Â gée goro ê *pimeaari imudi kêe, â é nye ciburà pagòojè dàra gòiri. Â é jèe naa tâjè ê cèikî na maina, na pàara na jè bwaa tapacîri diri pâ wâdé na ée mwa naa tâjè. Â bà ilari jiiru ma wà Pwi Ukai Iésu Kériso pâ,

Filipi 2:11

 rà o cau tomara too pâ: Wà Iésu Kériso, âna é Pwi Ukai! Ba na, pai pwamaina Pwiduée Caa. Nabwé!

Luka 3:22

â é nye boome kaa naa gòé ê Nyuâaê Pwicîri, pwacèwii ê déamu. Â é têre ê pwâratùra me gée napwéretòotù, na ina têe pâ: «Gà Pwina naîô [na caapwi co] na go dau meaarigà. Wâgà kaa âna go jèe nye pitòrigarigà, ba dau wânümoo googà.»

Mataio 21:9

 wâru pâ âboro na rà pâbéaa ma rà pwicò kà Iésu.  rà cau tomara too pâ: «Hosana ma ipwamaina tà *Pwina naî Davita! Cidòri nyuâa pwi âboro, na é me naa na nee Pwi Ukai! Psaume 118.26 Hosana ma cidòri! Pwamaina Pwi Ukai na é wâdòiti awé!»

Éféso 1:9

É paari tâjè ê auniimiri kêe ma câbawâdé kêe, na ia tàbinyiri béaa. Â ée mwa pacoo tâjè, goo wà Kériso,

Éféso 1:6

Wâdé na jè pwamainaê, ma picagòtùé. Ba dau maina ma muugère ê pimeaari imudi kêe ba kâjè! Ba é naa piticèmuru naa goo tâjè ê pâ aupwényunyuâari kêe, na é naigé mee Pwina naîê, na dau wânümee têe.

Filipi 2:13

Ba wà Pwiduée, âna é tàgére wakè goowà, â ée mwa pwa ma wâdé tàwà, ê câbawâdé kêe. Â ée mwa naa cè nii kàwà, ma guwà pitêre dèe.

Éféso 2:7

Ba nüma wà Pwiduée, na é paari dàra gòiri, pâ, dau maina awé ê pimeaari imudi kêe, ma dau wâru awé ê pâ aupwényunyuâari ma ê pâ wâdé kêe, na é naa tâjè naa goro piticèmuru naa goo, na é pinaigé mee Kériso Iésu.

Éféso 2:4

Béaa, âna jè tèpa âboro bà [na ara Pwiduée] gée goro ê pâ èpà kâjè. Êco na dau wânümee tâjè, ba dau maina ê pimeaari kêe. Â é naa tâjè ê âji wâro, gée goro ê pai tâa kâjè goo Kériso. Üu, guwà udò, gée goro co ê *pimeaari imudi kà Pwiduée.

Ioane 14:27

«Go tòpò naa jaawà ê pinaa-napô; üu, go naa tàwà ê pinaanapô kôo. Câgo caa naa pwacèwii ê pai naa kà tèpa âboro gòropuu. Êkaa na guwà cibwaa pidumapiê ma wâgotàwà [goo cè pwina o tèepaa].

Ioane 3:16

«Ba po dau wânüma Pwiduée goo ê pâ âboro gòropuu, êkaa na é panuâ me wà Pwina naîê na é caapwi co, ba na wà pwina é cèikî naa gooé, âna câé caa bà, êco na o tà têe ê wâro dàra gòiri.

Luka 2:13

Na nye wàrapwiri kaa, â rà nye tèepaa boome kaa gée *napwéretòotù, pàra tèpa angela na rà dau wâru. Â rà cibèepi i pwi angela. Â rà nyabi ma ipwamaina Pwiduée:

Luka 2:15

Gée na càùé, â wà i tèpa angela, âna rà còpòo jii tèpa wéaari mutô, â rà wâjué too côwâ naa napwéretòotù. Â wà tèpa wéaari mutô, âna rà pi-ina tàra pâ: «Jè pâra naa Bétéléma, ma jè jèe côo cai ê pwina tèepaa, na é gére ina tâjè wà Pwi Ukai.»