Luka 13:13 - Paicî

¹³ Â é tòpò îê naa gòé. Â é nye citàrù kaa, â é dau ipwamaina Pwiduée!

Luka 13:13 ပူးပေါင်းရင်းမြစ်များ

Maréko 16:18

Rà o cipa ê pâ dòèa naa na îrà; Rà o wâdo cè jawére bà, â o càra caa bà goo; Rà o tòpò ê du îrà naa gò tèpa maagé, â rà o wâdé côwâ.»

Maréko 5:23

 é tacoo gooé, â é ina têe pâ: «[Gà me wài!] Ba wà tô nari èpo kôo, âna ée jèe pwa na é bà. Gà me nau tòpò ê du îgà naa gòé, ba na tiàu ê maagé kêe, ba na é wâdé côwâ.»

Maréko 8:25

 é jèu tòpò mwara ê du îê wà Iésu naa gòro âraporomee.  é mwa bàra niâ bwàti wà pwini.  é jèe wâdé, â é nye dau niâ tia-iti.

Maréko 6:5

 nye ticè pai pwa wèe ma é pwa cè wakè goro pàtàmee na Nazareth. (Êco na é tòpò ê îê naa gò pàra tèpa maagé, â rà wâdé côwâ.)

Luka 4:40

Na capàto na bàrane, âna rà popa medari Iésu diri tèpa maagé. Â é tòpò îê naa gòrà diri, â nye tiàu kaa ê pâ na jèpapara maagé kàra.

Apostolo 9:17

 é nye còobé kaa wà Ananias, â é pâra. É tò wà Ananias naa na pwârawâ na é tâa wê wà Saulo.  é tòpò du îê naa gòé, â é ina têe pâ: «Saulo, pwi a cèikî béeò, é cùruo wà Pwi Ukai Iésu—wà Pwi Ukai na ia é piâpàparié tâgà na naigé Damas.  é panuâô me, ba na gà côojè côwâ, â, ba na dipitirigà ê Nyuâaê Pwicîri.»

Luka 18:43

 é jèe nye niâ kaa, wàra béaa.  é pâra wiâ Iésu, âna é gére pwamaina Pwiduée.  wà mwara diri tàpé na rà côo pwiri, âna rà cau pwamaina Pwiduée goo!

Mataio 9:8

Ûna rà côo pwiri wà tèpa âboro, â wâgotàra. Â rà pwamaina Pwiduée, ba é naa ê pàtàmee na maina tà tèpa âboro!

Luka 13:12

 é todèe wà Iésu, â é ina têe pâ: «Tôoni, é jèe tiàu ni i maagé'gà!»