Kolosé 1:16 - Paicî

¹⁶ Cau tòpòrà diri gooé: Diri pâ muru naa napwéretòotù ma wâni gòropuu; diri ê pwina jè côo, ma ê pwina câjè caa côo; diri pâ nyuâa, ma ê pâ pàtàma; diri pâ pitûâ, ma ukai, ma mwaciri. Wàé na tòpò diri pâ muru ba kêe. Ba pwina nüma Pwiduée goo, âna wà Kériso na pacoo.

Kolosé 1:16 ပူးပေါင်းရင်းမြစ်များ

Ioane 1:10

É jèe nye tâa gòropuu ê Popai, â é tòpò ê gòropuu wà Pwiduée goo ê Popai. Êco na càra caa câmogòorié wà tèpa âboro gòropuu.

Ioane 1:3

É nama é pwa diri pâ namuru wà Pwiduée. Diri ê pâ muru, âna wàé na pwa.

Roma 11:36

Ba diri ê pâ namuru, âna nye me gée gooé. Â nye wàé, na é pwa diri ê pâ muru, ba kêe. Wâjaaé ê pai maina ma muugère, dàra gòiri awé! Amen!

Roma 8:38

Ba go nye cèikî ba mwü, pâ: Tâbawêe ê pimeaari kà Pwiduée ba kâjè! Ticè cèna pâri ma ipapiinarijè jii. Càcaa ê pwâra bà. Càcaa ê wâro. Càcaa pâ *angela. Càcaa pâ duée. Càcaa pâ pàtàma na èpà. Ticè cè muru— muru na gére nabà, muru na o widàuru, muru nidò, muru niboo, muru naa gòropuu diri. Ticè muru na pâri ma pinaaitirijè jii pimeaari kêe naa goo Kériso Iésu, Pwi Ukai kâjè!

Roma 9:5

Ba wà tèpa jojoororà, âna rà tèpa âboro, na tèpa pwamuru naa goorà, na araé. Â é té gée goorà wà Kériso, naa na naiiri âboro. Wâdé na jè cau ipwamaina dàra gòiri wà Pwiduée, na é wâjai diri pâ muru!

Éféso 1:10

na pàara, na é jèe mara pacoo béaa. Ée mwa panaimari diri ê pwina [é tapoo] na wânidò napwéretòotù, ma naaniboo gòropuu. Â ée mwa cau tòpòrà diri, na aranara pitûâ kà Kériso.

Éféso 6:12

Ba câjè caa pipaa dà tèpa âboro. Jè pipaa dà tèpa pitûâ kà tèpa duée ma u, [na câjè caa côorà goro du âraporomeejè]. Üu, jè pipaa dà tèpa ukai gopaérenao, na maina pàtàmarà, na rà pitûâ naa gò ê gòropuu bèeni, na é tâa na bàutê.

Filipi 2:10

Ba na, naa na nee Iésu, âna rà tùu jùrurà, na araé diri pâ pwina wânidò *napwéretòotù, ma wâni gòropuu, tianiboo na autâa kà tèpa bà.

Kolosé 1:15

Càcaa pâri ma jè côo Pwiduée. Êco na wà Kériso, âna é pwi ânuu Pwiduée, na jè côoê. Ba é pwacèwii wà Pwiduée, naa na diri pai pwa wèe. É Pwina naîê na é pâbéaa kâra diri pâ muru. É piwéna jii diri pâ muru na é tòpò wà Pwiduée.

Kolosé 1:20

Gée goo wà Pwina naîê, âna é tòpò pinaanapô wà Pwiduée, naa nabibiu kêe ma wà diri tèpa âboro, ma diri pâ muru, wâni gòropuu ma wânidò napwéretòotù. É wàrapwiri goo ê domii kà Kériso [na joro na ia é bà] naa goro satauro. Nabwé!

Kolosé 2:10

 guwà jèe tòpi ê wâro kàwà na tâbawêe, gée goo na guwà tâa gooé. Wàé na tâa têe diri ê tàrù ma pàtàmee, naa goro diri pâ pitûâ, [ma duée] ma pàtàma.

Kolosé 2:15

 gée goro ê satauro, âna wà Pwiduée, âna é piétò naa na paa kàra, ma pâ duée ma pitûâ na rà cicaraé.  é jèe popa jiirà diri ê pitûâ kàra ma pàtàmarà.  é piirà, â é dàtirà pâ, [naa na pai kamu kàra] na ara pâ âboro diri.

Hébéru 1:2

Â, na pàara nabà—naa na pâ bénabwé tòotù—âna é patùrajè, goo wà Pwina naîê. Ba gée gooé, âna wà Pwiduée, âna é tapoo ê napwéretòotù ma ê gòropuu, bau diri pâ muru na tâa na. Â nye wàé kaa na é pitòrigarié wà Pwiduée, ba na ée mwa panuâ têe diri pâ pwiibà.

Hébéru 2:10

Wà Pwiduée, âna é tòpò ba kêe diri pâ muru, â é tàgére wéaa goorà. Pwa pàra tèpa naî Pwiduée mwara, na rà dau wâru, [âna wàijè kaa]. Â wâdé têe, na é nama jè cau tâa na ê pai maina ma muugère kêe. Pinaigé mara ê pwiibà, ê pai maagé côo kà Iésu ma pai bà kêe. Â gée goo kaa pwiri, â wà Pwiduée, âna é naa tà Iésu ê autâa na tâbawêe, na pâriê. Ba wà Iésu, âna é pwi ukai, na é pa-udò diri tèpa naî Pwiduée, ma pwi a poparà pâ, [naa na *âji wâro].

1 Pétéru 3:22

 é jèe too naa *napwéretòotù, â é tâa gòro étò kà Pwiduée [ba na o pwamainaê].  pwa tàrù kêe ma pàtàmee, naa goo diri pâ *angela, ma pâ duée, ma pâ pitûâ ma pâ pàtàma.