Jacques 1:5 - Paicî

⁵ Wiàna nümagà goo ê autâmogòorimuru kà Pwiduée, â gà ilari jiié co! Â ée nye naa tâgà. Ba é pwi a naa, naa goro piticèmuru naa goo, â câé caa putàmuri tàpé na rà ilari jiié.

Jacques 1:5 ပူးပေါင်းရင်းမြစ်များ

Mataio 11:20

É tapoo tùra ba gòo târa ê pâ âboro na pàra village wà Iésu. Ba wâru pâ wakè na é pwa naawê goro pàtàmee, êco na càra caa pitòotéri ê tûâ kàra.

Maréko 16:14

 bénabwé wèe, âna é pipaarié tà tèpa 11 *apostolo kêe, wà Iésu, na rà bwaa gére ija.  é pwarà, â é ina tàra pâ: «Po dau gòo ê pûruwà! Tàutàwà na guwà cèikî, na rà ina tàwà pâ, go jèe wâro côwâ!»

Ioane 14:13

 diri ê pâ muru cèna guwà ilari naa na neeô, âna go mwa pwa, ba na go paari ê pai maina ma muugère kà Caa, wâgo Pwina naîê.

Ioane 15:7

«Wiàna guwà tâa gooò, â wiàna ê pâ popai kôo âna tâa goowà, â guwà ilari diri cè pwina nümawà goo, â o naa tàwà.

Ioane 4:10

 é tòpi têe pâ: «Câgà caa câmogòorio, wâgo pwi a gére ila jawé jiigà.  câgà caa câmogòori mwara ê uràpâra kà Pwiduée. Ba wiàna gà côoinari, â pwiri gére wâgà na ila jawé jiio; â pwiri go gére naa tâgà cè jawé târa wâro!»

Jacques 1:17

Diri pâ pwina pwényuâa, âraimeai na tâbawêe, na boome naa jaajè géenidò jaa Pwiduée, pwi a tòpò ê pwéelaa, [pwi ukai kâra tòotù, pwi apooro parui, pwi caa kâra îricò]! Ticè bàutê gooé; Ticè cèna gù naa gooé gée na biu; É tâa na pai tâa kêe, dàra gòiri awé!

Jacques 3:17

Wà pwi âboro na é wâbé goro ê autâmogòorimuru kà Pwiduée, âna ticè èpà na pwâranümee. [Wàéni pâ tûâ kêe: É pwi âboro na pwicîri ê wâro kêe]; É pwa diri gée na âji pwâranümee; É pwi a pwamuru diri tèpa âboro, â câé caa pwaké goorà; É pwi a têre bwàti pàra tàpé, naa na ipakîri; É pwi a moo naa na pai tòpi kêe tàra; É pwi a meaari tàpé na rà tâa na géaa; É pwi âboro na dau wâru kaa pâ pwâra upwâra na wâdé naa na wâro kêe.

Jacques 5:16

 ipaiwà wiàna gà [pitanami, â gà] pwa na èpà. Wâdé na guwà pi-inapàpari tàwà, ba na guwà ipwapwicîri kàwà.  ée mwa nama guwà wâdé côwâ wà Pwiduée. Ba dau pwa nii kâra ê pwâra pwapwicîri kà pwi âboro na é *tàrù na ara Pwiduée.

1 Ioane 3:22

 ée mwa naa tâjè diri pâ namuru na jè ilari jiié, gée goo na jè pitêre dèe, ma pwa ê pwina wâdé têe.