Ioane 9:6 - Paicî

⁶ Â é èdu boo naa napuu, â é biinaimari ê nüru èdu kêe ma puu. Â é tâmi ê du parawére âraporomee i pwi a bwi.

Ioane 9:6 ပူးပေါင်းရင်းမြစ်များ

Maréko 8:23

 é tu naa goro îê wà Iésu, â é popaé còobé jii i village.  é tòpò ê oropwêe naa gò du âraporomara pwi âboro bèepwiri.  é tòpò ê du îê naa gòé, â é tawèerié pâ: «Dà cè pwina gà côo?»

Maréko 7:33

 é popaé wà Iésu, â ru pâra iti jii ê pâ âboro.  é tùu gée ê mangadaîê, naa na ê pwâranyüru wà pwini.  é nama tii ê mangadaîê, goro ê oropwêe.  é tu naa goo ê ûmemee.

Auinapàpari 3:18

«Â go ina tàwà pâ: Wâdé na guwà wâri jiio mwani mii, na cîri naa goro ânye, na dau pwâra ma maina wâri wèe. Â o pwa neemuruwà, na ara Pwiduée. Â guwà wâri ê pâ ârabwée na dau pwaa, ma guwà o coona. Ba na wàrapwiri, â o câguwà mwa caa kamu, goro pai cicàpé kàwà. Â guwà wâri jiio, cè wâi târa âraporomeewà, ba na guwà o niâ bwàti.

Ioane 9:11

 é tòpi tàra pâ: «Wà pwi jè âboro na nee Iésu, âna é pwa ma go côojè. Ba é bii ê puu, â é tâmi ê du parawére âraporomeeô goo.  é ina tôo pâ, na go nuwao naa najawé Siloé. Ûna go wàrapwiri, â go nye niâ kaa!»