Ioane 8:26 - Paicî

²⁶ Â wâru pâ muru na pâri ma go ina naa goowà, ma pitèiwà goo. Êco na go inapàpari [tàwà co] ê pwina go têre jii wà Pwina é cùruo me naa jaawà. Ba wàé na é ina ê âjupâra.»

Ioane 8:26 ပူးပေါင်းရင်းမြစ်များ

Ioane 15:15

 o câgo mwa caa ina goowà côwâ pâ guwà tèpa ênawéna kôo. Ba pwi ênawéna, âna câé caa tâmogòori ê pwina é pwa wà pwi ukai kêe.  go ina goowà nabà pâ, guwà tèpa béeò. «Ba go jèe pwa ma guwà tâmogòori diri pâ muru na é ina tôo wà Caa kôo.

Ioane 8:40

 nabà, âna guwà pimudàra ba na guwà pòtàmwaraô, wâgo na go ina tàwà ê âjupâra na go têre jii Pwiduée! Wà Abéraama âna câé caa mu pwa na wàrapwiri!

Ioane 17:8

Ba go naa tàra ê pâ popai na gà naa tôo, â rà jèe cau tòpi. Â rà jèe nye câmogòorio bwàti pâ go nye me jiigà, ba rà cèikî pâ wâgà na gà cùruo me.

Ioane 7:28

Ûna é bwaa gére pwa pupûra wà Iésu, naa na Wâra pwapwicîri, â é tomara too pâ: «Gona guwà nye niimiri kaa pâ guwà jèe tâmogòorio? Â guwà tâmogòori wâna na go me géewê? Bwa! Ba câgo caa me gée gooò. Â wà Pwi a cùruo me, âna pwina pâriê ma guwà tòpò naa gooé ê cèikî kàwà. Êco na guwà nye âji càcaa tâmogòorié.

2 Korénito 1:18

Bwa. Câgo caa wàrapwiri. Â é nye paâjupâraô wà Pwiduée. Ba wiàna é tà mwü, â wâgo mwara, âna go tà mwü. Â wiàna go ina tàwà pâ «üu», âna pai ina wèe pâ «üu»!

Ioane 16:12

«Bwaa nye dau wâru ê pâ muru na nümoo na go ina tàwà mwara. Êco na o bwaa dau tòina tàwà wiàna guwà têre ni.

Ioane 7:16

É ina tàra pâ: «Ê pwina go ina tàwà, âna càcaa muru me gée gooò, â gée goo Pwiduée na é cùruo me.

Ioane 3:11

Go ina tâgà ê âjupâra pâ: Bà ina pâ pwina bà tâmogòori, â bà *paâjupâra ê pwina bà côo. Â câguwà caa tòpi ê pwina bà paâjupâra.

Ioane 8:25

 rà ina têe pâ: «Gona wâgà wàa?»  é tòpi pâ: «I pwi ia go jèe ina tàwà, gée na autapoo goo.

Ioane 8:27

Êco na càra caa têreina pâ é pwa jèkutâ goo [wà Pwiduée] Caa.

Ioane 18:20

 é ina têe wà Iésu pâ: «Go mu nye tùra na ara diri ê pâ âboro.  go mu ipupûra na ê Wâra pwapwicîri, ma wâna ê pâ *wâra pitapitiri.  nye ticè jè popai cèna go pinaapwàniri.