Ioane 5:26 - Paicî

²⁶ Ba wà Caa, âna tà têe ê pàtàma târa ma é naa wâro, â é naa tôo mwara, wâgo Pwina naîê.

Ioane 5:26 ပူးပေါင်းရင်းမြစ်များ

Ioane 1:4

É wâjaaé *âji wâro, na nama rà wâro na pwéelaa pâ âboro.

Ioane 10:18

Nye ticè pwi jè âboro cèna é popa jiio, â go nye naa, gée gooò. Ba pwa tàrù kôo ma go naa ê wâro kôo, â nye pwa tàrù kôo ma go nye popa côwâ. Ba wàépwiri ê aupitûâri kà Caa kôo.»

Ioane 11:25

 é ina têe wà Iésu pâ: «*Wâgo [pwina é naa] ê wâro, ma pawâro côwâ tèpa âboro. Wà pwi âboro na é cèikî naa gooò, âna wiàna é bà, â ée mwa nye wâro côwâ.

Ioane 11:26

 wà pwi âboro na é wâro ma cèikî naa gooò, âna o câé mwa caa bà [dàra gòiri]. Gona gà nye cèikî naa goro ê popai bèepwiri?»

Ioane 14:19

Càcaa gòiri, â o jèe càra mwa caa côoô wà tèpa âboro gòropuu. Êco na wâguwà, âna guwà mwa côoô na go mwa wâro [côwâ]. Â guwà o wâro mwara.

Ioane 14:6

 é tòpi têe wà Iésu pâ: «*Wâgo ê naigé, ma *âjupâra, ma wâro.  nye ticè pai pwa kà pwi âboro ma é pâdari wà Caa, wiàna câé caa me jaao.

Ioane 4:10

 é tòpi têe pâ: «Câgà caa câmogòorio, wâgo pwi a gére ila jawé jiigà.  câgà caa câmogòori mwara ê uràpâra kà Pwiduée. Ba wiàna gà côoinari, â pwiri gére wâgà na ila jawé jiio; â pwiri go gére naa tâgà cè jawé târa wâro!»

Ioane 6:57

«Wà Caa na é cùruo me, âna é wâro, [â wàé, âna é Pwina é naa ê wâro]. Â wâgo, âna go wâro gée gooé. Â wàra mwara pwina é ija naiio, âna é wâro gée gooò.

Ioane 8:51

Go ina tàwà ê âjupâra pâ: Wà pwi âboro na é pitêre dàra ê popai kôo, âna o càcaa pâri ma é bà [dàra gòiri].»

Apostolo 17:25

 càcaa pâri ma jè pitu têe, wàijè tèpa âboro, pwacèwii na nümee goo cè jè muru jiijè! «Ba wàé na é naa tâjè diri ê wâro ma ôomaa, ma diri ê pâ namuru.

1 Korénito 15:45

Ba jèe wii naa na Tii Pwicîri pâ: Wà Pwiduée, âna é naa wâro, tà Adamu, pwi jojooro diri tèpa âboro. Genèse 2.7 Â pwa pwi jèpwi na jè tunee têe pâ ‘Wà Pwi bénabwé Adamu’, [âna wà Kériso]. Â tâa gooé ê Nyuâaê Pwicîri, â wàé, Kériso, na é naa ê âji wâro.

1 Timotéo 1:17

Pwamaina ma picagòtù Pwiduée! Wàé na é Pwi Ukai na muugère; wà Pwina ticè pwâadèreè; wà Pwina câjè caa côoê; wà Pwina é caapwi co! Pwamainaê dàra gòiri awé! Wâdé na wàra! Amen!

1 Timotéo 6:16

Nye wàé co kaa na é wâro dàra gòiri awé. Pwâra ê pwéelaa kêe, pwacoé ma niâriê. Càcaa pâri ma côoê, goro âraporomeejè. O mwa pwamainaê, na diri pâ tòotù. Tâa têe pàtàmee, dàra gòiri awé! Wâdé na wàra! Amen!

Hébéru 1:2

Â, na pàara nabà—naa na pâ bénabwé tòotù—âna é patùrajè, goo wà Pwina naîê. Ba gée gooé, âna wà Pwiduée, âna é tapoo ê napwéretòotù ma ê gòropuu, bau diri pâ muru na tâa na. Â nye wàé kaa na é pitòrigarié wà Pwiduée, ba na ée mwa panuâ têe diri pâ pwiibà.

Auinapàpari 21:6

 é ina tôo mwara pâ: «Jèe po cau coo diri! Ba wâgo Alpha ma Oméga; wâgo autapoo goo ma pwâadèreè. Go o mwa naa, naa goro piticèmuru naa goo, ê jawé târa wâro gée na pwârapò, tà diri tàpé na nümarà dàra wâdo.

Auinapàpari 22:1

Gée na càùé, â wà i pwi *angela, âna é paari tôo ê nairiwâ, na é naa wâro. Â nye po dau pwéelaa awé. Â é itàa gée aranara ê autâa kà Pwiduée, ma *Pwi nari mutô,

Auinapàpari 22:17

 ê Nyuâaê Pwicîri, ma wà tô Ilàri dopwa kà Pwi nari mutô, âna ru ina têe pâ: «Gà me!»  wà pwi âboro na é têre pwiri, âna wâdé na é ina mwara pâ: «Gà me, [co Pwi Ukai]!»  wà pwi âboro na nümee dàra wâdo, â wâdé na é me, ma é wâdo ê jawé târa wâro, ba nye ticè wâri wèe.

Auinapàpari 7:17

É ipièrù wâgoorà i Pwi nari mutô, na é coo ara i autâa. É poparà pâ naa goo pwârajawé pò, ba jawé târa wâro. O ticè nüru i kàra. Ba wà Pwiduée Caa, na é câtùra diri.»