Ioane 1:14 - Paicî

¹⁴ É pa naiiri âboro ê Popai, â é wâro nabibiu kâjè. Po tâbawêe naa gooé ê *pimeaari imudi, ma ê *âjupâra. Â bà jèe côo ê pai maina ma muugère kà Pwina naîê, na é caapwi co, na é tòpi jii Caa.

Ioane 1:14 ပူးပေါင်းရင်းမြစ်များ

Mataio 1:16

Ioséfa. Wà tô wâdà Ioséfa, âna wà Maria, tô nyaa kà Iésu, na pitunee têe pâ Kériso.

Luka 2:11

Ba na pwi ne bèeni, âna pitèpa *pwi a pa-udòwà, naa na village kà Davita. Âna wà pwi *Mesia, Pwi Ukai [na ia guwà tapacîê gée na biu].

Luka 2:7

 é pitàmari pwi ciiri èpo kêe.  é cajipié naa na pé kupétuu, â é papuué naa na aunaa uti kâra macii, ba ticè autâa kàru [ba po dau wâru âboro].

Luka 9:32

Ûna rà gére wàrapwiri, âna rà tàgére puu wà Pétéru ma wà tupédu a câmu bée, goro pai oratàra. Ûna rà tàcî, â rà côo ê pai muugère kà Iésu, â rà côo wà tupédu péroféta,

Ioane 1:1

É jèe nye tâa ê Popai naa na autapoo goo [ê gòropuu]. É tâa jaa Pwiduée. Ba nye tàgére wàé Pwiduée.

Ioane 11:40

 é ina têe wà Iésu pâ: «Gona câgo caa ina tâgà pâ, wiàna gà cèikî, â gà o côo ê pai maina ma muugère kà Pwiduée?»

Ioane 14:6

 é tòpi têe wà Iésu pâ: «*Wâgo ê naigé, ma *âjupâra, ma wâro.  nye ticè pai pwa kà pwi âboro ma é pâdari wà Caa, wiàna câé caa me jaao.

Ioane 14:9

 é tòpi têe pâ: «Jèe nye gòrio kaa jaawà, â câgà caa pâji câmogòorio kaa, co Filipo?  cina gà bwaa ina pâ: “Nama bà côo wà Pwiduée Caa”? Ba wà pwi âboro na é côoô, âna é côo mwara wà Caa.

Ioane 17:22

«Go jèe naa tà tèpa âboro'gà ê pai maina ma muugère na gà naa tôo. Êkaa na rà o caapwi, wàra pai caapwi kâju—

Ioane 17:24

«Caa, gà jèe naarà tôo. Â nümoo na rà tâa na ê pwi ére na go o tâa wê, ba na rà o côo ê pai maina ma muugère na gà naa tôo. Ba wânümagà gooò na bwaa càcaa tòpò ê gòropuu.

Ioane 18:37

 é tawèerié mwara wà Pilato pâ: «Gona gà pwi jè ukai?»  é tòpi têe wà Iésu pâ: «Âjupâra ê pai ina'gà! Ba go Pwi Ukai.  go tèepaa naani gòropuu, ba na go picémara ê *âjupâra.  wà diri tàpé na rà tâa na ê âjupâra, âna rà tàmaari ê pâ popai kôo.»

Ioane 2:11

Wàé kaa pwiri tapoo pàtàmara wakè, na é tapoo wà Iésu na Kana wâ Galilée. Ba ê câmu bèepwiri, âna é paari ê pai maina ma muugère kêe. Â rà cèikî naa gooé wà tèpa câmu kêe.

Ioane 3:16

«Ba po dau wânüma Pwiduée goo ê pâ âboro gòropuu, êkaa na é panuâ me wà Pwina naîê na é caapwi co, ba na wà pwina é cèikî naa gooé, âna câé caa bà, êco na o tà têe ê wâro dàra gòiri.

Ioane 3:18

Wà pwina é cèikî naa goo wà Pwina naîê, âna càcaa pitèié; â wà pwina câé caa cèikî naa gooé, âna jèe pitèié. Wàrapwiri, ba câé caa cèikî naa goro *Pwina naî Pwiduée, na é caapwi co.

Ioane 6:51

Wâgo ê pwi poloa târa wâro, na go boome gée napwéretòotù. Wiàna é ija poloa bèepwiri wà pwi jè âboro, â é wâro dàra gòiri awé. Â ê poloa na go mwa naa, âna ê naiio, na go naa tà tèpa âboro gòropuu, ba na rà wâro.»

Ioane 8:32

 géewê, na guwà mwa tâmogòori ê *âjupâra, â ê âjupâra âna ée mwa tipiwà.»

Apostolo 13:33

 nabàni, âna é pwa ba kâjè tèpa naîrà [ma pàra tàpé mwara]. Ba é pwa ma é wâro côwâ wà Iésu. «Jèe wii gooé, naa na béârailu kâra salamo kà Davita pâ: [Wàéni popai kôo, na go ina] nabà: Gà pwina naîô, â go pwi caa'gà . Psaume 2.7

Roma 8:3

Napwa naa goo ê *Naèà kà Moosé, âna pwacoé ma é tipijè gée goro ê pai ora kâra pwâranümajè. [Ba ticè nii kêe, ma pitòotéri ê pwâranümajè na èpà.] Êco na wà Pwiduée, âna é jèe tipijè. Ba é jèe panuâ me Pwina naîê, na é pa naiiri âboro pwacèwiijè—wàijè tèpa pwa na èpà—ba na é tipijè jii ê Èpà. Â é jèe tubatiàu ê pwi Èpà bèepwiri, na pitûâ naa na naiiri âboro,

Roma 9:5

Ba wà tèpa jojoororà, âna rà tèpa âboro, na tèpa pwamuru naa goorà, na araé. Â é té gée goorà wà Kériso, naa na naiiri âboro. Wâdé na jè cau ipwamaina dàra gòiri wà Pwiduée, na é wâjai diri pâ muru!

1 Korénito 15:47

Wà Pwiduée, âna é tapoo pwi jojooro âboro, wà Adamu, gée goro puu. Â wà Kériso, ‘wà Pwi bénabwé Adamu’, âna é me gée *napwéretòotù.

2 Korénito 12:9

Êco na é ina tôo pâ: «Jara kâgà ê *pimeaari imudi kôo. Â wiàna piticè nii'gà, â o tâbawêe ê pàtàmoo naa googà.» Êkaa na, go pi-ina kôo co, na piticè nii kôo, ba na o tâa gooò ê pàtàma Kériso.

Galatia 4:4

Êco na, na pàara na é jèe tàmara câmuri wà Pwiduée, â é panuâ me Pwina naîê darijè naa gòropuu. Â é wâro aranara ê pitûâ kâra ê *Naèà kà Moosé.

Kolosé 1:19

 wâdé tà Pwiduée, na ipaiwàilu ma wà Pwina naîê naa na diri pâ ére.

Kolosé 2:3

Wà Kériso, âna wàé ê *aamwari kà Pwiduée, ba tâa gooé diri ê autâmogòorimuru ma ê tàmanga kêe na tàbinyiri, [â wàé co na é paari tâjè].

Kolosé 2:9

Wiàna é pa naiiri âboro wà Kériso, êco na ipaiwàilu ma wà Pwiduée Caa, naa na diri pàra ére.

1 Timotéo 3:16

Gà côo, nye dau maina ma pwényuâa kaa, ê cèikî na é wâgoojè! Ba: É pa naiiri âboro wà Iésu Kériso. É *paâjupâraê ê Nyuâaê Pwicîri. Rà côoê pâ *angela. Jè inapàparié târa pâ Ba. Cèikî naa gooé pitiri gòropuu. Dàgòtùé naa *napwéretòotù, naa na muugère kà Pwiduée Caa.

Hébéru 1:3

Na jè côo Pwina naîê, â jè côo ê pai muugère ma pai maina kà Pwiduée Caa. Ba ipaiwà wàilu naa na diri pai pwa wèe. Diri pâ muru, âna rà cau tèepaa ma wâro, gée goro ê popai kêe, na dau pwa pàtàmee. Nye wàé kaa, Pwina naîê, na ia é cèitiri ê pâ èpà kâjè. Â gée na càùé, â é wâjué côwâ naa jaa Pwiduée, na é wânidò *napwéretòotù. Â wà Pwiduée—wà Pwina dau pwa pàtàmee—âna é nama é tâaboo naa gòro âji îê [ba na é pitûâ kâra diri pâ muru].

Hébéru 1:5

Ba câé mu caa ina tà pwi jè angela wà Pwiduée pâ: Wàéni popai kôo, na go ina nabà: Gà pwina naîô, â go pwi caa'gà. Psaume 2.7 é, Go o pwi Caa kêe, â ée mwa pwi naîô. 2 Samuel 7.14

Hébéru 10:5

Wàépwiri ê majoro ê pâ popai bèeni na ia é ina tà Pwiduée wà Kériso, na ia é tèepaa me naani gòropuu: Nye càcaa nümagà goo ârapwaailò bépwanauri pâ tojii. Câgà caa tòpi macii na cîri bétipi pâ èpà. Càcaa wâdé tâgà pâ âraimeai. Gà naa tôo co ê naiiri âboro bépiênawéna'gà.

Hébéru 2:11

Üu, nye wà Iésu kaa, na é pwina é popajè tèpa âboro kêe, pâdari wà Pwiduée, [pwi caa kêe] ba na o caapwi caa kâjè diri, wàijè ma wàé. Â gée goo kaa pwiri, âna câé caa kamu, na é ina goojè pâ jè tèpa aéjii kêe.

Hébéru 5:5

Ipaiwà naa goo wà Kériso. Ba câé caa ipwamainaê côwâ. Â nye wà Pwiduée, na é nama é pwi a pwa ârapwaailò maina. Ba é ina têe pâ: Wàéni popai kôo, na go ina nabà: Gà pwina naîô, â go pwi caa'gà. Psaume 2.7

1 Ioane 4:14

 jè jèe côo goro du âraporomeejè pâ, é cùru Pwina naîê wà Caa, ba na *pwi a pa-udò pâ âboro gòropuu.  bà *paâjupâraê ma inapàparié tà pàra tàpé.

1 Ioane 4:9

 é paari ê pimeaari kêe ba kâjè. Ba é cùru me Pwina naîê na é caapwi co, naani gòropuu, ba na, gée gooé, âna o tà tâjè ê *âji wâro.

2 Ioane 1:7

[Guwà ipwacôoco] tèpa pwa pupûra na rà pwâ, ba rà jèe pâ nau wâru naani gòropuu—tèpa âboro na rà ina pâ, câé caa pa naiiri âboro wà Iésu Kériso. Wà tàpéebà, âna rà tèpa ipa-imwüru tèpa âboro, ma tèpa cicara Kériso.

Auinapàpari 19:13

 é coona ê ârabwée na bwiari goro domii.  tunee têe mwara pâ: ‘Popai kà Pwiduée’.

Auinapàpari 21:3

 go têre pwi jè âboro naa goro jènere autâa kà Pwiduée, wânidò *napwéretòotù, na é tomara too pâ: «[Jè côo jè muru na bwaa âmuê]: É boo wà Pwiduée. É tâa jaa tèpa âboro. É wâjaarà wàé. Rà o nye Ba kêe. Wàé na ée Pwiduée kàra.