Hébéru 9:4 - Paicî

⁴ Â pwa i béreca na târamiri goro mwani mii, âna rà mu cîri naawê ê encens [pâ dà na ûrea]. Wâna ére na dau pwicîri, âna pwa mwara i wâra pipwataâboro, na pwa goro mwani mii. Â wâna i wâra pipwataâboro, âna pwa [âracié muru na dau pwicîri]: I noo kâra poloa manne [gée napwéretòotù] wâna jè pé wârado goro mwani mii; I tâjò kà *Arona, na ia é mu; I du atü na wii naa gò i 10 Naèà kâra auipwataâboro béaa.

Hébéru 9:4 ပူးပေါင်းရင်းမြစ်များ

Auinapàpari 8:3

 é me pwi jè *angela, â é coo goro ê *aamwari târa imeai, na mwani mii, na ara autâa kà Pwi Ukai.  é cipa jè wâra acî mwani mii—pé pala târa cîri upwâra na ûrea.  naa têe ê pâ dàuru upwâra na wâru, târa cîri. Âna âraimeai tà Pwiduée, bére pâ pwâra pwapwicîri kà tèpa âboro kêe.  é cîri naa na wâra acî, naa goro i aamwari.

Auinapàpari 11:19

Gée na càùé, â tàpiri ê wâra pwapwicîri kà Pwiduée wânidò napwéretòotù. Â go côo ê wâra pipwataâboro. Â go têre pâ pwâratùra na maina. Â nye pwa âra kaa tikakara, â é kûu. Â nye pwa kaa kakürubwaanu—ba nye gù kaa ê napuu. Â coo ê popaa na dau maina, â rà nye tûuboo kaa pâ pàiri popaa moo.