Éféso 1:10 - Paicî

¹⁰ na pàara, na é jèe mara pacoo béaa. Ée mwa panaimari diri ê pwina [é tapoo] na wânidò napwéretòotù, ma naaniboo gòropuu. Â ée mwa cau tòpòrà diri, na aranara pitûâ kà Kériso.

Éféso 1:10 ပူးပေါင်းရင်းမြစ်များ

Kolosé 1:20

Gée goo wà Pwina naîê, âna é tòpò pinaanapô wà Pwiduée, naa nabibiu kêe ma wà diri tèpa âboro, ma diri pâ muru, wâni gòropuu ma wânidò napwéretòotù. É wàrapwiri goo ê domii kà Kériso [na joro na ia é bà] naa goro satauro. Nabwé!

Galatia 4:4

Êco na, na pàara na é jèe tàmara câmuri wà Pwiduée, â é panuâ me Pwina naîê darijè naa gòropuu. Â é wâro aranara ê pitûâ kâra ê *Naèà kà Moosé.

Maréko 1:15

 é ina tàra pâ: «Jèe tèepaa ê pàara, na é jèe pitòrigari wà Pwiduée. Ba ê Mwaciri kêe, âna ée jèe wâmwünyabweriwà! Guwà tòotéri ê wâro kàwà, â guwà cèikî naa goo ê Picémara Wâdé kêe!»

Hébéru 1:2

Â, na pàara nabà—naa na pâ bénabwé tòotù—âna é patùrajè, goo wà Pwina naîê. Ba gée gooé, âna wà Pwiduée, âna é tapoo ê napwéretòotù ma ê gòropuu, bau diri pâ muru na tâa na. Â nye wàé kaa na é pitòrigarié wà Pwiduée, ba na ée mwa panuâ têe diri pâ pwiibà.

Kolosé 1:16

Cau tòpòrà diri gooé: Diri pâ muru naa napwéretòotù ma wâni gòropuu; diri ê pwina jè côo, ma ê pwina câjè caa côo; diri pâ nyuâa, ma ê pâ pàtàma; diri pâ pitûâ, ma ukai, ma mwaciri. Wàé na tòpò diri pâ muru ba kêe. Ba pwina nüma Pwiduée goo, âna wà Kériso na pacoo.

1 Pétéru 1:20

Ba é jèe mara pitòrigarié wà Pwiduée, béaa kâra pai tòpò kêe ê gòropuu, [ba na ée mwa bà, ma tipijè jii ê pâ èpà kâjè]. Â wà Kériso, âna é jèe nye tèepaa na pàara kâjè nabà—naa na pâ bénabwé tòotù. Â guwà côo, é jèe pwa pwiri ba kàwà!

Éféso 3:15

Ba wàé pwi Caa kà diri tàpé na rà wânidò napwéretòotù, ma wâni gòropuu. Â é nama jè cau tèpa âboro na jè caapwi Ba.

Auinapàpari 5:9

 rà nyabiri ê jè nyabi na bwaa âmuê, ma ina pâ: «Wâgà co Pwi nari mutô, pârigà ma gà pa i tii, tipi ê aupii goo. Ba pòtàmwaragà; Gà pwi ârapwaailò; Gà naa wâro'gà; Joro domii'gà, ba kà tèpa âboro, gée na diri pâ wâao, ma diri pâ pwâratùra, gée na pâ napô diri, ma diri pâ Ba. Gà tipirà diri, jii pâ èpà kàra, ba na rà Ba'gà, ba kà Pwiduée.

Éféso 1:22

Üu, é cau tòpò diri wà Pwiduée, na aranara ê pitûâ kà Kériso. Â é nama é pwi ukai kâra ê wâra pwapwicîri kêe,

1 Korénito 11:3

 pwa mwara jè muru na nümoo na guwà tâmogòori. Wàéni: Wà Kériso, âna é pwi a pitûâ kà pwi paao; â wà pwi paao, âna é pwi a pitûâ kà tô wâdèe.  wà Pwiduée, âna é pwi a pitûâ kà Kériso, [pwacèwii na ê pûrujè, âna pwi a pitûâ kâra naiiri âboro kâjè].

Hébéru 11:40

Âna gorodà?] Ba rà gére tapacîjè, [wàijè na jè bwaa wâro nabà]. Ba wà Pwiduée, âna é jèe mara pwabwàti gée na biu, pâ, na ée mwa cau nama jè tàrù ma tâbawêe na araé, wàijè naima ma wàilà. Â muru na dau wâdé ba kâjè nabà.

Kolosé 3:11

[Wâna ê pwi wâro na bwaa âmuê na é naa tàwà, âna] jèe nye ticè na pi-ité jii tèpa *Juif, ma wà tàpé na càra caa tèpa Juif; tàpé na pwa *kamaî tàra, ma wà tàpé na càcaa pwa kamaî tàra. Jèe nye ticè tèpa pârame, ma tèpa kàpuno. Jèe nye ticè ‘tèpa tàmanga’, ma wà ‘tèpa âboro biu’. Jèe nye ticè *ênawéna kîri, ma tàpé na pwa tàrù kàra. Ê pwina é âjimuru, âna wà Kériso, â nye wàé co. Â é cau wâgoojè diri.

Éféso 2:15

[Wàibà tèpa Juif, âna bà pâra wiâra] ê Naèà kà *Moosé, â dau wâru pâ pitûâ, ma nyi nari naèà goo. [Êco na nabàni] âna ticèmuru naa goo diri ê Naèà, gée goro ê pwina é pwa wà Kériso. Ba é tòpò ê pinaanapô, naa nabibiu kâbà ma wâguwà, na câguwà caa tèpa Juif. Â é naanaimarijè, ba na jè caapwi Ba, na jè tâa gooé.

1 Korénito 10:11

Diri ê pâ aré-bà, âna tèepaa mari wà tèpa Isaraéla biu, ba na câmu tâjè. Â jèe wii diri, ba na jè ipwacôoco. Ba o tàpo tèepaa ê pwâadàra ê pàara bèeni.

Mataio 25:32

«Â o panaimari na arao diri ê pâ Ba. Â go o mwa naaitiri ê pâ âboro, pwacèwii pwi a wéaari macii na é naaitiri mutô ma nani.

Hébéru 9:10

Ba ê pwapwicîri bèepwiri bau diri pâ naèà kêe, goro utimuru, ma wâdo, ma pai *pinuwarà, âna muru târa naiijè tèpa âboro. [Â càcaa pâri ma é tigée goro ê pwâranümara âboro.] Â é pâra co tiagoro na é tòpò ê âji pai pwa wèe wà Pwiduée.