Auinapàpari 4:10 - Paicî

¹⁰ Â, na diri pâ pàara na rà pwamainaê na, â wà i tèpa 24 âboro pwanümarà, âna wàilà mwara, âna rà cigòboo, ma tùu jùrurà araé. Â rà pwamaina wà Pwina é wâro dàra gòiri awé. Â rà tapwùtù i pâ bwe korona kàra na araé, â rà ina têe pâ:

Auinapàpari 4:10 ပူးပေါင်းရင်းမြစ်များ

Mataio 2:11

 rà tò naa na i wâ, â rà pâmari i pwi nari èpo ma Maria, tô nyaa kêe.  rà tùu jùrurà ma ipwamaina i pwi nari èpo.  rà pwa ma èrù pâ êre atà kàra, â rà naa têe ê jèpa âraimeai kàra, na dau maina wâri wèe—mwani mii, ma encens [pâ dà na ûrea na jè cîri] ma ê jawé ûrea na nee myrrhe.

Luka 24:52

 rà dau pwamainaê.  nabwé, â rà wâjué côwâ naa Iérusaléma, â nye dau maina kaa ê ipwàdée kàra.

1 Korénito 15:10

Êco na, gée goro ê *pimeaari imudi kà Pwiduée, â gére wâgo ni. Ba ê pimeaari imudi bèepwiri, âna é jèe tòpò ê pwâra wakè kêe naa gooò. Ba go jèe dau wakè jii pàra tèpa apostolo. Â nye càcaa wâgo na wakè, â nye wà Pwiduée, goro ê pimeaari imudi kêe.

Auinapàpari 10:6

ba na é *ipwataâboro naa na nee Pwiduée—wà Pwiduée na é *wâro dàra gòiri awé, â na é tapoo ê napwéretòotù, ma ê gòropuu, ma ê nawià, ma êdiri pâ muru na wâna. É *paâjupâra na araé, wà i pwi angela pâ: «O câ mwa caa gòiri [ê pai tapacîri kàwà]!

Auinapàpari 11:16

 wà i tèpa 24 ijiao, âna rà boo gée gò autâa kàra.  rà cigòboo ma tùu jùrurà ara Pwiduée, â rà pwamainaê.

Auinapàpari 15:4

Wâgà co na gà pwicîri. Wâgà co na gà Pwiduée. O wàilàapà cè âboro, na càcaa wâgotêe googà? O wàilàapà cè âboro na câé caa ipwamainagà? O nye ticè caapwi! Rà o cau me pâ Ba; rà cigòboo na aragà. Ba paari wakè'gà pâ tàrù ma âjupâra'gà!»

Auinapàpari 15:7

 wà pwi jè ârapàara tèpa ârapàpé macii na pwa nyuâarà, âna é jèpa naa tà tèpa 7 angela bèepwiri ê wâra jawé mwani mii, na wâbé goro pwâra putàmu kà Pwiduée, wà Pwina é *wâro dàra gòiri awé.

Auinapàpari 19:4

 wà tèpa 24 ijiao, ma pâ ârapàpé macii na pwa nyuâarà, âna rà cigòboo ma tùu jùrurà ara Pwiduée, na é tâa gò ê autâa kêe, â rà pwamainaê ma tomara too pâ: «Aléluia! Amen! Wâdé na wàra!»

Auinapàpari 4:2

 é popao ê Nyuâaê Pwicîri, â go côo ê autâa, nidò *napwéretòotù, na é gére tâa gò wà Pwi Ukai.

Auinapàpari 4:4

Wâbèepi autâa kà Pwi Ukai, âna go côo pàra autâa na po 24. Â rà tâa gò tèpa âboro pwanümarà na rà po 24. Â rà coona pâ ârabwée na pwaa, â rà bweri ê bwe korona mwani mii.

Auinapàpari 4:9

 rà nye tà cagòtù, ma pwamaina, ma pwaolé tà Pwi Ukai, na é tâa gò ê autâa kêe, wà Pwina é *wâro dàra gòiri awé.

Auinapàpari 5:14

 rà tòpi i tèpa ârapàpé macii pâ: «Amen! Wâdé na wàra!»  rà cau cigòboo, ma tùu jùrurà wà i tèpa 24 ijiao, ba na rà pwamainaru.

Auinapàpari 5:8

 rà cau cigòboo, ma tùu jùrurà araé, i tèpa ârapàpé macii ma wà i tèpa 24 ijiao, ba na rà pwamainaê.  jèpa pwa gitar [kà diri tèpa ijiao] ma ê wâra jawé mwani mii, na wâbé goro jawé ûrea. Ba êpwiri, âna ê pâ pwâra pwapwicîri kà tèpa âboro kà Pwiduée.

Auinapàpari 7:11

 rà cau cibèepi ê autâa bèepwiri—[wâgée me côwâ] wà tèpa angela, â pâ wê wà tèpa ijiao, â mwa wà tèpa ârapàpé macii naa goro jènere autâa.  rà cau cigòboo ma tùu jùrurà, na ara ê autâa, ma pwamaina Pwiduée.