Auinapàpari 15:3 - Paicî

³ Â rà nyabiri i nyabi kà *Moosé, pwi ênawéna kà Pwiduée, bau nyabi kà *Pwi nari mutô: «Dau maina wakè'gà, maina ma pwényuâa, co Pwiduée Caa. Dau maina nii'gà, naa gòro diri pâ muru; pwâra ukai'gà goro diri pâ Ba! *Tàrù pâ naigé'gà!

Auinapàpari 15:3 ပူးပေါင်းရင်းမြစ်များ

Ioane 1:17

Béaa, âna é pinaigé mara ê *Naèà wà *Moosé. Â nabàni, âna é pinaigé mara ê pimeaari imudi ma *âjupâra, wà Iésu *Kériso.

1 Timotéo 1:17

Pwamaina ma picagòtù Pwiduée! Wàé na é Pwi Ukai na muugère; wà Pwina ticè pwâadèreè; wà Pwina câjè caa côoê; wà Pwina é caapwi co! Pwamainaê dàra gòiri awé! Wâdé na wàra! Amen!

Hébéru 3:5

Napwa naa goo wà Moosé, âna é dau pwi a wakè bwàti naa na pwârawâ kà Pwiduée, â é dau pwi a pitêre dàra. Êco na é nye pwi ênawéna co. Ba é pwi ânuuru diri ê pwina ée mwa inapàpari wà Pwiduée, gée na càùé.

Auinapàpari 1:8

É ina wà Pwi Ukai Pwiduée, pâ: «Wâgo Alpha ma Oméga, pwi autapoo goo ma pwi pwâadèreè. Wâgo na go napwiri, ma nabà, â go o mwa me. Wâgo Pwina dau pwa Pàtàmoo naa gòro diri pâ muru.»

Auinapàpari 11:17

 rà ina pâ: «Bà pwaolé tâgà, Pwi Ukai Pwiduée! Dau pwa pàtàmagà, naa gòro diri pâ muru. Ba wâgà napwiri, â wâgà nabà. Gà ipâdi popai, goo ê pàtàmagà.

Auinapàpari 14:3

Ba rà nyabi wà diri tèpa âboro bèepwiri, naa naporomee [Pwiduée, na é tâa] na autâa kêe; ma na ara tèpa ârapàpé macii na pwa nyuâarà, ma wà tèpa 24 ijiao. Â ê nyabi kàra, âna bwaa âmuê, â nye ticè pwi jè âboro cèna é tâmogòori. Â nye wâdé co tèpa 144 000, ba nye wàilà tèpa âboro na jèe pa-udòrà jii ê gòropuu.

Auinapàpari 14:8

 [ûna é pâra, â] é tèepaa me wà pwi jè angela, na é tomara too pâ: «Ée jèe tûu *Babulona, téura napô-bà! É ipa-imwüru diri ê pâ Ba. É naa tàra dipâa. Rà ipwirié goo. Rà pwaduwà kêe. Rà pwa pwina miiri. Rà ipuu imudi, wà tèpa âboro gòropuu. Nabwé!»

Auinapàpari 17:14

Ba rà o mwa ipaa dà *Pwi nari mutô. Êco na é nye piétò jiirà. Ba nye wàé kaa na é Pwi a pitûâ kà tèpa pitûâ, ma Pwi Ukai kà tèpa ukai. Â rà o tâa ma wàé, wà tèpa âboro kêe—tàpé na é todàra, ma pitòrigarirà, ma rà cimwü naa na ê cèikî kàra.»

Auinapàpari 19:16

 wâgoro ârabwée kêe ma du pâa-âê, âna wii ê jè aupwa tii na ina pâ: Pwi a pitûâ kà tèpa pitûâ, ma Pwi Ukai kà tèpa ukai.

Auinapàpari 19:2

Âjupâra ma *tàrù ê pwina é pitèi. Ba é tèi tôobà, na é wâgòronaigé na miiri tûâ kêe, tô na é tubamiiri tàpé na wâ gòropuu. Â é naa têe Pwi Ukai wârimuru kêe, wâri wàra domii kà tèpa ênawéna, tèpa âboro kêe na pòtàmwararà. Nabwé!»

Auinapàpari 4:8

 jèpa pwa 6 itoorà.  pwa âraporomeerà pitiri goorà.  rà nye tà nyabi, naa ne ma pwaa, ma ina pâ: «É pwicîri! É pwicîri! É pwicîri wà Pwi Ukai, ba wàé Pwiduée, na é patàrù diri. Dau pwa nii kêe, naa gòro diri pâ muru. Ba wàé nabà, â wàé napwiri, â é gére me côwâ!»