Auinapàpari 14:7 - Paicî

⁷ Â é tomara too pâ: «Guwà papwicîri wà Pwiduée, ma ipwamainaê! Guwà tòbuari Pwina é tapoo napwéretòotù ma gòropuu, ma nawià, ma nairiwâ. Ba jèe tèepaa i pwi pàara na ée mwa pitèi tèpa âboro gòropuu na.»

Auinapàpari 14:7 ပူးပေါင်းရင်းမြစ်များ

Auinapàpari 15:4

Wâgà co na gà pwicîri. Wâgà co na gà Pwiduée. O wàilàapà cè âboro, na càcaa wâgotêe googà? O wàilàapà cè âboro na câé caa ipwamainagà? O nye ticè caapwi! Rà o cau me pâ Ba; rà cigòboo na aragà. Ba paari wakè'gà pâ tàrù ma âjupâra'gà!»

Auinapàpari 11:18

Rà putàmu googà pâ Ba, na pàara béaa. [Na rà ipwacôoco!] Ba jèe tèepaa ni pàara na gà putàmu na! Gà o pitèi tèpa bà. Gà o naa câma tèpa ênawéna'gà, tèpa péroféta; ma tèpa âboro'gà, tèpa papwicîrigà— tèpa âboro kîri, ma tèpa âboro maina. Jèe tèepaa pwi pàara na gà nama tiàu tèpa tojii âboro pitiri gòropuu. Nabwé!»

Auinapàpari 4:11

«Wâgà Pwi Ukai, wà Pwiduée kâbà, âna wâgà, na pâri ma ipwamainagà, ma cagòtùgà. Gà dau pwényuâa; Dau pwa pàtàmagà, naa gòro diri pâ muru. Wâgà na gà tapoo diri ê pâ muru. Wâgà na gà pacoo, gée goro ê câbawâdé'gà. Nabwé!»

Auinapàpari 11:13

 géewê, â nye pwa kaa kakürubwaanu.  po dau maina pai gù napuu, â é tûuboo ê pwi caapwi ére gée goo 10, gée goro i ville.  rà bà 7 000 âboro.  wà tàpé na rà bwaa wâro, âna dau wâgotàra, â rà papwicîri Pwiduée wânidò *napwéretòotù, â rà ina pâ, dau maina pàtàmee.

Auinapàpari 18:10

 rà o coo na wâiti wê, goro ê pai wâgotàra goo ê pai maagé kêe. [ rà o pwùkùru.]  rà o mwa ina pâ: «Wârico Babulona! Wârico napô maina! Téura ma tubatiàué, na ji caapwi tòotù!»

Auinapàpari 4:9

 rà nye tà cagòtù, ma pwamaina, ma pwaolé tà Pwi Ukai, na é tâa gò ê autâa kêe, wà Pwina é *wâro dàra gòiri awé.

Apostolo 14:15

«Bwa! Tèpa béebu, dà na guwà pwa? Wàibu, âna bu nye tupédu âboro pwacèwiiwà! Â bu me nau picémara tàwà ê Picémara Wâdé. Wâdé na guwà panuâ ê pâ duée kàwà na ticèmuru naa goorà. Guwà biiwà naa goo wà Pwiduée na é wâro. Ba wàé na é pwa ê napwéretòotù ma gòropuu ma nawià, ma diri ê pâ namuru na wâna.

Auinapàpari 19:5

 go têre ê pwâratùra me gée goro jènere autâa kà Pwi Ukai, na ina pâ: «Pwamaina Pwiduée, Pwi Ukai kâjè, wâguwà diri, pâ ênawéna kêe, na maina ma kîri! Nabwé!»

Auinapàpari 8:10

É upi ê tutu kêe wà pwi béâracié kà tèpa angela. Â é nye tûuboo kaa gée napwéretòotù ê jè pé îricò, na pé dau maina, na nee pâ ‘Aru maga’. Â é pwéelaa pâ, pwacèwii ê uèù. Â é tatée ê pwi caapwi ére gée goro âracié ére, gée goro pâ nairiwâ ma aupò jawé. Â rà pâ nau dau maga, â dau wâru ê pâ âboro na rà bà goo.

Luka 17:18

Gorodà na câguwà caa capai wâjué côwâ ma guwà pwamaina Pwiduée? Â wàco wâgà, na gà pwi a pârame!

Auinapàpari 18:19

 rà o i, ma pijinünü, ma tü dàuru puu naa na pûrurà, [goro pai tòina kàra].  rà o wiikau burà ina pâ: «Wârico Babulona! Wârico napô maina! Dau pwa mwani kâjè, gée goo ville bèeni. Téura ma tubatiàué na ji caapwi tòotù!»

Auinapàpari 18:17

Jèe ticè têe diri na ji caapwi tòotù!» Rà picoo iti jiié mwara wà diri tàpé na rà pâra gòro wànga—wà tèpa apooro wànga, ma wà tèpa pitûâ naa gòro wànga, ma wà tèpa taa ârawéà, ma diri tèpa matélo.

1 Pétéru 4:7

Jèe wâmwünyabwe ê pwâadàra diri pâ muru. Êkaa na guwà tà piaabòriwà, ma tà tàcî, ba na guwà pwapwicîri.

Mataio 25:13

[Â é tubanabwé ê ucina bèepwiri wà Iésu, â é ina pâ]: «Guwà tà tàcî, ba câguwà caa tâmogòori cè tòotù, ma cè ineretòotù, na go o mwa tèepaa me côwâ. Nabwé.»