Auinapàpari 12:10 - Paicî

¹⁰ [Gée na càùru ê pai tûu kêe] â go têre ê pwâratùra na dau maina, naanidò gopaérenao, na ina pâ: «Jèe tèepaa tòotù [na jè tapacîri]! É paari pàtàmee wà Pwiduée kâjè! Ée pa-udò ê Ba kêe! É tòpò Mwaciri kêe, naa tàrù târa pitûâ kà pwi Mesia kêe! Ba é tü tà Caatana, pwi a piciapwâ goojè. Ia é mu pitòtijè naa jaa Pwiduée, naa ne ma pwaa. Â é jèe tûu awé!

Auinapàpari 12:10 ပူးပေါင်းရင်းမြစ်များ

Luka 22:31

Wà Iésu, âna é tabiié naa goo Simona Pétéru, â é ina pâ: «Têre! Wà Caatana, âna é ilari pâ, na é jèpa tacaiwà. Â ée mwa nama gùmagù ê pwâranümawà, naa na jè ji pàara.

Auinapàpari 11:15

Gée na càùru pwiri, â é upi tutu kêe wà pwi bé 7 kâra *angela. Â go têre pâ pwâratùra na dau maina, boome gée napwéretòotù. Â rà tomara too pâ: «Pitòotéri pitûâ wâni gòropuu. É pitûâ Pwi Ukai ma pwi Mesia kêe, Pwina é pitòrigarié. Ée mwa pitûâ, dàra gòiri awé. Nabwé!»

Mataio 28:18

 é gée paé dàra wà Iésu, â é ina tàra pâ: «Wà Pwiduée, âna é naa tôo diri ê pàtàmee, wânidò napwéretòotù ma wâni gòropuu.

Auinapàpari 2:26

«Wà tàpé na rà piétò—wà tàpé na rà tà pitêre dòo, tia pwâadèreè—âna go o mwa naa tàra ê tàrù, na é naa tôo wà Caa kôo. Ba rà mwa pitûâ naa goo diri pâ Ba gòropuu. Â rà pòogairà goro tâjò paò, pwacèwii wâra jawé puu pècidaa.

2 Korénito 12:9

Êco na é ina tôo pâ: «Jara kâgà ê *pimeaari imudi kôo. Â wiàna piticè nii'gà, â o tâbawêe ê pàtàmoo naa googà.» Êkaa na, go pi-ina kôo co, na piticè nii kôo, ba na o tâa gooò ê pàtàma Kériso.

Luka 11:2

É tòpi têe pâ: «Wàéni cè pai pwapwicîri kàwà: “Pwi Caa kâbà, Wâdé naa papwicîri ê neegà. Wâdé naa coo ê Mwaciri'gà.

Mataio 26:64

 é tòpi têe wà Iésu pâ: «Gà jèe nye tàgére ina.  go ina tàwà pâ: Tapoo nabàni, âna guwà mwa côo wà Pwina naîri âboro, na é tâa gòro étò kà Pwiduée na dau pwa pàtàmee, [ba na é pitûâ kâra diri pâ muru].  guwà mwa côoê, wiàna é me naa gòro ê pâ nee, gée napwéretòotù.»

Mataio 6:10

Wâdé naa pacoo ê Mwaciri'gà. Wâdé naa pwa câbawâdé'gà naani gòropuu, ma pwacèwii naanidò napwéretòotù.

Tito 2:3

 gà ina tà pa jiitàmu, pâ, wâdé na rà wârori ê wâro na pwicîri, ma wâdé na ara Pwiduée.  rà cibwaa picocoo, ma dau wâdo dipâa. Wâdé na rà paari naa na càrarà ma tûâ kàra ê pwina wâdé na jè pwa.

1 Korénito 5:4

Wâdé na guwà pitànaima naa na nee Pwi Ukai Iésu—â o wàijè naima naa na aunünüma—â guwà panuâ pwi âboro bèepwiri tà *Caatana, [na jè ju pàara]. Â o tubatiàu ê pâ câbawâdé na èpà kâra âboro, â ée mwa udò, na Tòotù na ée mwa wâjué me côwâ wà Pwi Ukai. [Â o tâa têe ê *âji wâro jaaé].

Auinapàpari 7:10

 rà cau tomara too pâ: «Gàu jèe pa-udòbà, wâgà Pwi Ukai Pwiduée kâbà, na gà tâa gò autâa'gà, ma wâgà, Pwi nari mutô.»

1 Pétéru 5:8

Guwà tà tàcî, â guwà tà pitòimiriwà. Ba wà pwi a pièpàriwà, wà *Caatana, âna é nye tàgére biié goowà, pwacèwii ê liô na é imudàra cè âboro cèna é utié.