Auinapàpari 11:15 - Paicî

¹⁵ Gée na càùru pwiri, â é upi tutu kêe wà pwi bé 7 kâra *angela. Â go têre pâ pwâratùra na dau maina, boome gée napwéretòotù. Â rà tomara too pâ: «Pitòotéri pitûâ wâni gòropuu. É pitûâ Pwi Ukai ma pwi Mesia kêe, Pwina é pitòrigarié. Ée mwa pitûâ, dàra gòiri awé. Nabwé!»

Auinapàpari 11:15 ပူးပေါင်းရင်းမြစ်များ

Auinapàpari 12:10

[Gée na càùru ê pai tûu kêe] â go têre ê pwâratùra na dau maina, naanidò gopaérenao, na ina pâ: «Jèe tèepaa tòotù [na jè tapacîri]! É paari pàtàmee wà Pwiduée kâjè! Ée pa-udò ê Ba kêe! É tòpò Mwaciri kêe, naa tàrù târa pitûâ kà pwi Mesia kêe! Ba é tü tà Caatana, pwi a piciapwâ goojè. Ia é mu pitòtijè naa jaa Pwiduée, naa ne ma pwaa. Â é jèe tûu awé!

Auinapàpari 10:7

Ba wà Pwiduée, âna ée tàpo pacoo ê auniimiri kêe, na tàbinyiri gée na biu—auniimiri kêe, na é jèe inapàpari tà tèpa ênawéna kêe, wà tèpa *péroféta. Â ée mwa pacoo, ûna é upi tutu kêe wà pwi bénabwé angela.»

Auinapàpari 19:1

Gée na càùru ê pâ muru bèepwiri, â go têre ê pwâratùra kà tàpé na rà po dau wâru awé, wânidò napwéretòotù. Â rà tomara too pâ: «Aléluia! Aléluia! Pwamaina Pwiduée! Wàé na é pa-udòjè! Wâjaaé ê muugère, ma nii ma pàtàmee!

Luka 1:33

 ée pwi ukai kâra Ba Isaraéla dàra gòiri awé.  ê pitûâ kêe, âna o nye ticè pwâadèreè.»

Auinapàpari 16:17

Nabwé, â é me wà pwi bé 7 kâra angela. Â é wicèpwiri ê wâra jawé kêe, naa gopaérenao. Â go têre ê pwâratùra na maina gée na autâa kà Pwiduée, wâna ê wâra pwapwicîri. Â é tomara too pâ: «Jèe po cai coo diri!»

Hébéru 1:8

Êco na wàéni ê pwina é ina naa goo wà Pwina naîê: Wâgà co [Pwina naîô] âna wâgà Pwiduée ! O ticè pwâadàra ê Mwaciri'gà. Gà mwa Pwi Ukai dàra gòiri awé. O *tàrù ê pai pitûâ'gà.

Auinapàpari 19:6

Go têre mwara ê toromacè, na pwacèwii pwâratùra kà tèpa âboro na rà dau wâru. Â dau maina aié, pwacèwii ê airi pwiritée, ma pwâra itàa kâra tikakara, na é kûu ba maina. Â rà gére ina pâ: «Aléluia! Aléluia! É pitûâ Pwiduée, Pwi Ukai kâjè! Dau maina nii kêe, naa gòro diri pâ muru!

Auinapàpari 15:4

Wâgà co na gà pwicîri. Wâgà co na gà Pwiduée. O wàilàapà cè âboro, na càcaa wâgotêe googà? O wàilàapà cè âboro na câé caa ipwamainagà? O nye ticè caapwi! Rà o cau me pâ Ba; rà cigòboo na aragà. Ba paari wakè'gà pâ tàrù ma âjupâra'gà!»

Luka 15:10

«Â go ina tàwà pâ: O po dau maina ê ipwàdée kà tèpa *angela kà Pwiduée, goo ê pwi caapwi âboro na é èpà, na é pitòotéri ê wâro kêe.»

Auinapàpari 20:4

 nabwé, â go côo pâ nyuâa tàpé na pòtàmwararà, wàrapwiri goo ê pai *paâjupâra kàra wà Iésu, ma pai picémara kàra ê popai kà Pwiduée. Ba càra mu caa pwamaina Itémuru, bau i ânuuê.  càra mu caa tòpi câmu kêe, na gaadaarà ma naa goro îrà.  go côo pâ rà tâa gò pâ autâa kâra ukai. Ba [wà Pwiduée âna é] jèe pawârorà côwâ gée na aubà, â é naa tàrù tàra, ma rà pitûâ ma wà Kériso, [pwi *Mesia kêe] naa na 1 000 naja.

Auinapàpari 17:14

Ba rà o mwa ipaa dà *Pwi nari mutô. Êco na é nye piétò jiirà. Ba nye wàé kaa na é Pwi a pitûâ kà tèpa pitûâ, ma Pwi Ukai kà tèpa ukai. Â rà o tâa ma wàé, wà tèpa âboro kêe—tàpé na é todàra, ma pitòrigarirà, ma rà cimwü naa na ê cèikî kàra.»

Auinapàpari 9:13

É upi ê tutu kêe wà pwi bé 6 kâra angela. Â go têre jè pwâratùra na me gée goro ê pâ ârapàpé naûru i *aamwari mwani mii, na tâa ara Pwiduée.

Auinapàpari 9:1

Wà pwi bé 5 kâra *angela, âna é upi ê tutu kêe. Â go côo naani gòropuu ê jè [angela, na pwacèwii ê] îricò. Ba é jèe tûuboome géenidò napwéretòotù. Â naa têe ê kii târa Oolaa, ê pwêe, na dau wâgòro.

Auinapàpari 8:12

É upi ê tutu kêe wà pwi béârapàpé kà tèpa angela. Â nye tatée kaa ê tòotù, ma ê parui, ma pâ îricò mwara. Â càra caa pwéelaa, na pwi caapwi ére gée goro âracié pàara napô.

Mataio 6:13

Gà cibwaa panuâbà târa tacai. Gà upabà jii ê èpà. {Ba nye tâa tâgà ê Mwaciri, ma pàtàmee, ma pwényuâa, dàra gòiri awé. Amen.}”

Luka 15:6

«Â wiàna é tèepaa me naa pwârawâ, â ée todà tèpa bée, â é ina tàra pâ: “Tàpéebà, guwà me, ba na jè ipwàdée naima! Ba go jèe pâmari i mutô na ia tiàué!”»

Mataio 24:31

Ûna é upi i tutu na maina wà pwi jè *angela, â go o mwa panuâ me tèpa angela kôo, ba na rà panaimari tàpé na go jèe pitòrigarirà pitiri ê gòropuu.»

Apostolo 4:26

Rà paa dà Pwiduée tèpa ukai maina; rà caajurirà tèpa ukai kîri— cicara Pwi Ukai ma pwi *Mesia kêe. Psaume 2.1–2