1 Timotéo 1:9 - Paicî

⁹ Ba wà Pwiduée, âna câé caa naa ê Naèà, ba kà tàpé na wâdé ê wâro kàra. Â é naa i Naèà [tà Moosé] ba kà tàpé na rà ciburà pwa na èpà. Wà tàpéebà, âna tàutàra na rà pitêre dàra, â rà êgòjai ê pâ pitûâ kêe: Rà naa càùrà tà Pwiduée, â tàutàra na rà pwamainaê; Rà pitaurèe goo ê pâ muru pwicîri; Rà tèpa pitétàmwara âboro, tiagoo na rà tétàmwara du nyaa ma caa kàra;

1 Timotéo 1:9 ပူးပေါင်းရင်းမြစ်များ

Galatia 3:19

Wiàna wàrapwiri, â târa dà ê Naèà? Nye ê muru na ia é naa tâjè wà Pwiduée gée na càùé, ba na paari tâjè ê pâ na èpà na jè pwa. Â é coo tiagoro pai tèepaa me kà Pwi gòobàra Abéraama, na é caapwi co—wà Pwina ée mwa pinaigé mara diri ê aupwényunyuâari. [Jèpwi mwara, âna ru pi-ité ê Naèà bau ê *auipwataâboro. Ba jè ina pâ wà Pwiduée, âna é naa] ê Naèà [târa ê Ba] na rà pinaigé mee wà tèpa *angela. Â wà [*Moosé] âna é pwi a-ipa popai kêe.

1 Pétéru 4:18

Ba jè pûra naa na *Tii Pwicîri pâ: Pwacoé pai upa wà pwina é *tàrù. Ée mwa wànau wà pwi âboro èpà, na é naa càùé, naa goo wà Pwiduée? Proverbes 11.31

Roma 5:20

Ûna é tèepaa me ê Naèà, â rà pâ nau dau pimaina too ê èpà. Êco na ê aupwényunyuâari kà Pwiduée, âna o nye dau pimaina too awé.

Galatia 5:23

Pitâa na tànana; Pitòimiri. Â ê Naèà, âna nye âji ticè na é ina naa goo pâ pwi bèepwiri.

Tito 3:3

Âjupâra pâ, napwiri, âna wàijè mwara, âna nye ticè na jè tâmogòori [naa goo Pwiduée]. Â tàutâjè na jè pitêre dèe. Â jè ipanuâjè, ba na ipa-imwürujè. Â jè pâ nau tèpa piênawéna kâra pâ câbawâdé imudi, ma ê pâ na jèpapara ipwàdée imudi. Jè pwa ê wâro na èpà. Jè tèpa piboo. Â jè tèpa pièpàrijè.

Roma 6:14

Ba jèe càcaa ê *Naèà na é pitûâ kàwà, â jèe nye ê pimeaari imudi kà Pwiduée. Â êkaa pwiri, na guwà cibwaa pwa ma é pitûâ kàwà ê Èpà.

Auinapàpari 22:15

O càra caa toome pâ akàna—tèpa pwâ, ma tèpa ipuu imudi, ma tèpa ipòtàmwara, ma tàpé na rà pwa dooki, ma tèpa ipwamaina pâ duée imudi! Wà tàpéebà, âna rà o cau tâa gòroigé diri.

Auinapàpari 21:8

 napwa naa goo pàra tàpé, [âna rà o pwa wârimuru]: Wà tàpé na [càra mu caa pwa ê pwina wâdé, goro pai] wâgotàra; Wà tèpa tàutàra na rà cèikî; Wà tèpa pwâ; Wà tèpa miiri ê càrarà; Wà tèpa ipuu imudi; Wà tèpa ipòtàmwara; Wà tèpa pwa dooki; Wà tèpa pwamaina pâ duée imudi. Wà diri tèpa âboro bèepwiri, âna o türà naa na nawià ânye, ma dà na tòo. Ba wàépwiri ê pwi béwailu kâra pwâra bà, [dàra gòiri awé].

Tito 1:16

Rà inapàpari pâ, rà tâmogòori wà Pwiduée, êco na càrarà, âna pâiti jiié. Càra caa pitêre dèe, â é miiri ê pwina rà pwa. Tapidau diri ê pâ wakè kàra, â jèe nye dau pwacoé ma rà pwa cè ji caapwi muru na wâdé.

1 Pétéru 3:20

Wà tàpéebà, âna jèe càra caa pitêre dà wà Pwiduée napwiri, na pàara kà Noa, na é iti i wànga kêe. É dau pidàpwicâariê wà Pwiduée naa goorà [êco na càra caa biirà dèe]. Â nye 8 âboro co na uparà jii i jèpé gòro wànga.

Hébéru 11:31

Wà Rahab, wà tô ilàri gòronaigé [wâ Iériko] âna é cèikî naa goo wà Pwiduée. Â nye gée goro kaa ê cèikî kêe, na é tòpi wà i tupédu coda Isaraéla, na ia mara cùruru, ba na ru cai i ville. Êkaa na é udò [ê tâa kêe]. Êco na rà cau bà wà diri pàra tèpa âboro naa na ville, gée goo na càra caa tèpa pitêre dà wà Pwiduée.

2 Tésalonika 2:8

â wà A cicara, âna ée mwa cipàpaa. [Wàéni ê pwina o tèepaa têe na pwâadèreè]: Ée mwa tèepaa Pwi Ukai Iésu, na pwényuâa kêe. Ée mwa nama é bà, wiàna é upié goro pwêe. Ée mwa nama tiàué awé, goro pai tèepaa me, naa muugère kêe!

Roma 4:13

Wà Pwiduée, âna é ina tà Abéraama ma wà tèpa gòobèreè, pâ, ée mwa naa tàra ê gòropuu diri. Càcaa gée goro na é pitêre dàra ê *Naèà wà Abéraama. É wàrapwiri têe wà Pwiduée, ba é jèe nama é pwi âboro na é tàrù goro cèikî kêe.

Mataio 10:21

«[Na pwi pàara bèepwiri] âna wà pwi jè âboro, âna ée panuâ pwi aéjii kêe, ba naa tétàmwereê. Â wà pwi caa kâra èpo, âna é wàrapwiri tà pwina naîê. Â wà tèpa èpo, âna rà o pipaa ma du nyaa ma caa kàra. Â rà o pwa ma rà pwa wârimuru, tiagoro pai pòtàmwararà.

1 Pétéru 2:7

 guwà côo, dau âjimuru tâjè i pwi atü bèepwiri—[wà Iésu Kériso] ba jè jèe cèikî naa gooé. Êco na [wàéni ê popai goo] wà tàpé na tàutàra na rà cèikî naa gooé: I pwi atü na rà tétâjii wà tèpa ba wâ, âna nye wàé kaa pwiri, i âji êkêe! [Tàutàra goo pwi ò kâra wâao!] Psaume 118.22

Hébéru 12:16

 guwà ipwacôoco mwara, ba na o ticè gée goowà na é ipuu imudi.  jèpwi mwara, âna guwà cibwaa pwaduwà kà Ésaü biu. Ba jè cau tâmogòori ê jèkutâ gooé. Ba é pwi ciàra èpo, na o tâa têe ê aupwényunyuâari kà caa kêe.  é icurié [imudi tà pwi jiié] naa goro caapwi ngapò utimuru co!  gée na càùé, [ûna é mwa côoina ê pwina é pwa] â é picigòboo na ara caa kêe, ma dau i, ba na é ilari jiié côwâ ê aupwényunyuâari kêe. Êco na jèe càcaa pâri.  é tétâjiié wà caa kêe. Êkaa na guwà ipwacôowà!  guwà câbaâjimuru ê pâ muru [na Mwaciri] kà Pwiduée!

Galatia 5:21

Rà iari pâ neemuru pàra tàpé; Rà ipwirié, â rà pi-ija ma piwâdo pwacèwii pâ puàkà na rà picaatâa. Â wâru mwara pâ muru na èpà na rà pwa. Â go ina tàwà mwara ê pwina go jèe ina pâ: Wà tàpé na rà pwa ê pâ muru bèepwiri, âna o càra caa tòpi ê pâ aupwényunyuâari kâra ê *Mwaciri kà Pwiduée.

Galatia 5:18

 wiàna é pitûâ kàwà ê Nyuâaê Pwicîri, â o jèe câguwà caa tâa aranara ê Naèà. [ wàépwiri ê êre i pwi ia go ina tàwà.]

1 Timotéo 4:7

Gà cibwaa ipacè naa goo ê pâ jèmaa na pwâ, ba ticèmuru naa goo, tà pwi âboro na é papwicîri Pwiduée. Wâdé na gà wakè taaci ba gòo, ba na gà pwi a pitòimiri, ma pwi a papwicîri Pwiduée.

1 Timotéo 6:20

Gà wéaari bwàti, co Timotéo, ê pwina é naa tâgà wà Pwiduée. Gà cibwaa têre pâ pwâratùra na ticè na, ma pipâiti jii ê cèikî. Ba wà tàpé na rà pitòocia goo pâ muru bèepwiri, âna rà ina pâ, tâa târa pâ ‘autâmogòorimuru na wâgòro’. Êco na càcaa âjupâra.

2 Timotéo 2:16

Gà cibwaa tâa jaa tèpa âboro, na rà pwacèwii Himéné ma wà Filétos, ba ru pwa pâ jèkutâ na piticèmuru naa goo. Ba wà tàpé na rà wàrapwiri, âna càra caa papwicîri wà Pwiduée. Ê pâ popai bèepwiri, âna pwacèwii ê aurumuru naiiwà, na é imaina pâ. Â wà tàpé na rà pacâmuri tèpa âboro goro pwiri, âna rà o tâiti jii Pwiduée.

2 Timotéo 3:2

Ba wà tèpa âboro, âna [rà o dau èpà]: Rà o piniimirirà co; Rà o wâdéari mwani; Rà o pi-ina ba èpà wà Pwiduée; O càra caa papwicîri ê pwina pwicîri; O maina nümarà, â rà o pi-ina kàra; O càra caa pitêre dà du nyaa ma caa kàra, â rà o jèe tèpa cuâcâda;

Tito 1:6

Napwa naa goo pwi a pitûâ kâra wâra pwapwicîri, âna cùrué, ba na é piwéaari ê wakè kà Pwiduée. Â wâdé na ê wâro kêe, âna pitòimiri na ara tèpa âboro diri. Â nye ticè cèna pâri ma pitòtié goo: É tâa bwàti goo tô wâdèe; Câé caa pwi a-ipwamainaê; Câé caa pwi a wâdo; Câé caa pwi a putàmu, ma pwi a piokée; Câé caa pwi a bu mwani goro ê pwina é ina na pwâ. Â wà tèpa naîê, âna rà tèpa cèikî naa goo Iésu, na rà pitêre dàra, â càra caa tèpa wâro imudi;

Tito 1:10

Po dau wâru ê pâ âboro na càra caa pitêre dàra. Â rà ipawâmi ê pâ âboro goro ê pâ popai kàra na piticèmuru naa goo. Rà dau wâjaa tèpa *Juif na rà jèe cèikî, [ba rà tacoo goo pàra tàpé pâ, na rà pwa *kamaî].

Jude 1:15

Ée mwa pitèi ê gòropuu. Ée mwa naa wârimuru tà tèpa âboro èpà; Rà jèe cicaraé goro pâ tûâ kàra; Rà jèe inaê ba èpà goro popai kàra; Rà tànyiri ê nee na pwicîri.»