1 Tésalonika 4:7 - Paicî

⁷ Ba câé caa todàjè, ba na jè wâro imudi; â é todàjè, ba na jè wâro ba kêe.

1 Tésalonika 4:7 ပူးပေါင်းရင်းမြစ်များ

Galatia 5:19

Jè côo bwàti ê pâ tûâ kà tàpé na rà pipanuârà, ba na rà pâra wiâra ê pâ câbawâdé kàra: Rà naa nümarà naa goo pâ muru na jè kamu goo; Rà ipuu imudi ma pàra tàpé; Rà pwa pâ tûâ na miiri goro ê pâ naiirà;

Éféso 1:4

Béaa kâra na é tapoo ê gòropuu wà Pwiduée, âna é jèe mara pitòrigarijè, ba na jè tèpa âboro kêe, na é naigé mee Kériso. Â nümee na jè tâbawêe, ma ticè èpà goojè, na araé. Ba dau wânümee tâjè,

Éféso 2:10

Ba wàijè âna jè pwâra wakè kà Pwiduée, na ia é jèe nama bwaa âmuê ê wâro kâjè. É pwa na wàrapwiri, ba na jè tèpa ciburà pwa pâ tûâ na wâdé. Â ê pâ tûâ bèepwiri, âna é tòpò béaa, naa na câbawâdé kêe ba na jè mwa pwa.

Éféso 4:1

Go tâa na karapuu, ba go piênawéna kà Pwi Ukai. Â go tacoo goowà, ma [guwà niimiri diri ê pwina é pwa ba kàwà wà Pwiduée, â] guwà wârori ê wâro na wâdé têe. Ba é todàwà, ba na guwà tèpa âboro kêe.

Éféso 4:19

Càra mu caa picâdàrù ê pwina wâdé jii ê pwina èpà. Â rà pipanuârà, ba na rà wâro imudi. Â, na rà pwa pâ na jèpapara tûâ na miiri, â càra caa kamu goo.

1 Tésalonika 2:3

 na ia bà picémara ê popai, â nye ticè auniimiri kâbà na tàbinyiri.  nye ticè âboro cèna bà pwâgàrié ma pa-imwüruê.

2 Timotéo 1:9

É jèe pa-udòjè wà Pwiduée Caa. É todàjè diri, ba na jè Ba kêe. Càcaa wàijè, na pwa pwiri; Ba nye câbawâdé kêe, na é pacoo gée na biu, na bwaa tiàu gòropuu. É paari tâjè, pimeaari kêe, na é naigé mee Kériso.

Hébéru 12:14

[Wàéni pàra aupitûâri kôo tàwà]: Guwà mudàra ma guwà wâro na pinaanapô ma tèpa âboro diri. Â guwà wârori ê wâro na pwicîri, ma wâdé tà Pwiduée. Ba nye po dau pwacoé ma guwà côo wà Pwi Ukai, wiàna câguwà caa wàrapwiri.

2 Pétéru 2:10

 o dau maina ê wârimuru, na ée mwa naa tà tàpé na rà wâro wiâra ê pâ câbawâdé kàra na èpà, ma pwa pâ tûâ na miiri goro naiirà.  ipaiwà naa goo wà tàpé na rà câbapiticèmuru naa goo ê pitûâ kêe. [Rà wàrapwiri wà tèpa pwa pupûra na rà tèpa pwâ.] Ba rà tèpa maina nüma, â rà nye pwa diri kaa ê pâ na pwâra èpà.  càra caa piwâ na rà ina ba èpà tàpé na pwa pàtàmarà.