Pahayag 6:6 - Paranan

⁶ Tehudák a nasanig a boses a kumán a gubwat ten páppágyanan nen áppat a linalang a biyag. Kinagi na, “Essa la a takal a sebada i mabaliyid nen saldew a hornal, sakay tállu la a takal a arina i mabaliyid ni halagaid a iyud. Peru dyan sidaán en langis ni olibo sakay en alak!”

Pahayag 6:6 ပူးပေါင်းရင်းမြစ်များ

Mateo 24:7

Maglaban-laban en bansa hidi, kona bi hud en kahariyan ten kaparehu na a kahariyan. Magkahud ti aláp sakay maglinug ti iba-iba a lugar.

Pahayag 4:6

Ten atubengán nen trono ay tehud a kumán a diget a bubug, tunay ti letmang a kona ten kristal. Nelebut ten áppat a panig nen trono en áppat a linalang a biyag a putat ti mata ten atubengán ay ten adág di.

Pahayag 4:8

Balang essa dikodi ay tehud a tággi-ánnám a pakpak; putat hidi ti mata ten atubengán ay ten adág di. Awan hidi umimang a mágkakansiyonán aldew ay ti gibi ti kona háddi: “Banal, banal, banal, en Panginoon a Diyos a makapangyariyan ten atanan. En Diyos ten nakalipas, en Diyos ten kasalukuyan, sakay en Diyos a dumemát.”

Pahayag 7:3

Kinagi na dikodi, “Dyan moy pa sidaán en luta, en diget, sakay en kakayuwan. Urayán moy pa a mamarkaan tam en muding nen tagapagserbi hidi nen Diyos tam.”

Pahayag 9:4

Nakagiyan hidi a dyan di sidaán en lamon hidi, kakayuwan oni ányaman a mula. Nan en tolay la hidi a awan ti marka nen Diyos ten muding di en pasaketan di.