Mateo 19:3 - Paranan

³ Tehud a sangan a Pariseo a ummadeni dikona, magaryok hidi ti mebintang di dikona, kaya tinanung di siya, “Ayun beman ten Kautusan a hiwalayan nen lállaki en kabinga na maski ni ánya a dahilan?”

Mateo 19:3 ပူးပေါင်းရင်းမြစ်များ

Mateo 16:1

Tehud a sangan ten Pariseo hidi ay ten Saduseo hidi a ummangay kánni Jesus. Gustu di siya a purbaan kaya nággid hidi dikona ti tanda a gubwat dilanget.

Mateo 22:35

En essa dikodi ay maistu nen Kautusan. Pinurbaan na a tinanung ti Jesus para linlangán na.

Marcos 10:2

Tehud a sangan a Pariseo a ummadeni kánni Jesus. Gustu di siya a purbaan kaya tinanung di siya, “Tama beman ten Kautusan a maari a hiwalayan nen lállaki en kabinga na?”

Marcos 12:13

En sangan a Pariseo sakay en sangan bi ten tolay hidi ni Hari a Herodes ay nautusan a umangay kánni Jesus tánni urayán di siya a maliwat ten pággupos na.

Marcos 12:15

Tukoy ni Jesus a magkukunwari la hidi kaya kinagi na dikodi, “Bakin páppurbaanák moy? Átdenanák moy ti pilak a denaryo.”

Juan 8:6

Kinagi di la iyud dikona para pangsubukan di, tánni tehud hidi a mebintang a kontra dikona. Peru dummukug la ti Jesus sakay nagsulat siya ten luta ten pamamag-itan nen toldu na.

1 Corinto 7:10

Iddi bi en utus ten tehud hidi a kabinga, bakán a gubwat dikoku nan gubwat ten Panginoon: awan dapat a mákhiwalay en bábbi ten kabinga na.

Hebreo 3:9

Pinurbaanák nen dáddikál moy hidi ten parang, maski ni netan di en ginággamet ku hidi a himala ten alay nen áppat a pulu a taon.