Marcos 15:19 - Paranan

¹⁹ Pináppakol di siya, linálloktaban sakay sinesti di a linuhudan.

Marcos 15:19 ပူးပေါင်းရင်းမြစ်များ

Mateo 27:30

Linoktaban di siya sakay inalap di en sarukud na sakay impakol di dikona.

Marcos 10:34

Imemenos di siya, loktaban, haplitán, sakay tulos di a bunuwán. Peru kállipas nen tállu a aldew ay mabiyag siya a ruway.”

Marcos 14:65

Sakay sinapulan di dán siya a pahirapan; linoktaban siya nen agum, pinángngássan di sakay sinássuntuk. Pinatukoy di pa ni deya i nangsuntukid dikona, sakay binulbug siya nen mágbantay hidi.

Marcos 15:18

Sakay sinesti di siya a sinaluduwan kinagi di, “Mabuhay en Hari nen Judio hidi!”

Marcos 15:20

Káttapos di siya a sinesti ay ineklas di en inubi a malayon a alikábkáb sakay insulot di en sadili na a badu, sakay inluwas di siya ta ipaku di dán ten kudus.

Marcos 9:12

Kinagi na dikodi a, “Tatarudan iyán mágdipalongu a dumemát háddi ti Elias tánni ihanda na en atanan a bagay. Peru bakin kinagi bi nen Kasulatan a en Anak nen Tolay ay imemenos di sakay magtággád ti makpal a hirap?

Lucas 22:63

Nadid, sinesti sakay binálbág nen magbantay hidi ti Jesus.

Lucas 23:11

Káttapos ay sinesti siya ni Herodes pati nen sundalu na hidi sakay ininsultu di siya. Binaduwan di siya ti mamahalin a damit, káttapos ay pinasoli di siya kánni Pilato.

Lucas 23:36

Sinesti bi siya nen sundalu hidi. Ummadeni dikona en essa a sundalu sakay painomán na siya ti maapsot a alak.

Roma 11:4

Peru ánya tábbigid dikona nen Diyos? “Nángwarakák para ten sadili ku ti pittu a libu a lállaki a awan sumássamba ten diyos-diyosan a ti Baal.”

Filipos 2:10

Tánni ten ngaran ni Jesus ay lumuhud en atanan dikona, en ked dilanget, ked ten luta, sakay en ked ten mundu nen patay hidi.

Hebreo 13:13

Kaya umadeni kitam dikona ten luwas nen banuwan sakay magdanas bi ten kahirapan a tiniis na.