Lucas 6:21 - Paranan

²¹ “Pinagpala kam a magaláp hidi nadid, gapu bássugán kam nen Diyos! Pinagpala kam a malungkut hidi nadid, gapu pasayaán na kam!

Lucas 6:21 ပူးပေါင်းရင်းမြစ်များ

Mateo 5:4

“Pinagpala en tehud hidi a kalungkutan, gapu paraparaán hidi nen Diyos.

Mateo 5:6

“Pinagpala en tolay hidi a masor a manggamet ten kaluuban nen Diyos, gapu tulungan hidi nen Diyos a magamet iyád.

Lucas 1:53

Pinutat na ti mágkaganda a bagay en magaláp hidi. Sakay pinalakad na a awan ti tawid a ányaman en mágkayaman hidi.

Lucas 6:20

Ummileng ti Jesus ten disepulus na hidi, sakay kinagi na, “Pinagpala kam a pubri hidi, gapu maghari dikomoy en Diyos!

Lucas 6:22

‘Pinagpala kam ni gapu ten kássunud moy ten Anak nen Tolay ay kaiyamutan di kam, awan di kam kailangan sakay insultuwán di kam sakay kagiyán di kam a madukás.

Lucas 6:25

“Sikam a bássug hidi nadid ay kakakagbi kam, gapu alappán kam! “Sikam a mágtatawaán hidi nadid ay kakakagbi kam, gapu magin malungkut kam sakay mágsasangitán.

Juan 11:35

Nagsanget ti Jesus.

Juan 4:10

Kinagi ni Jesus dikona, “Ni tukoy mu la en kaluub nen Diyos, sakay ni deya i mák-enomidi dikomu, ay maari a siko i mággidid dikona ti dinom sakay átdenan na ka ti dinom a makapangatád ti biyag.”

Juan 6:35

Kinagi ni Jesus dikodi, “Sikán en tinapay a makapangatád ti biyag. En umadeni dikoku ay awan dán magaláp maski nikan sakay en sumampalataya dikoku ay awan dán mauwaw maski nikan.

1 Corinto 4:11

Hanggan ti odasid a iddi, magaláp kami, mauwaw, sakay halus awan ti mesulot; páppahirapan kami sakay awan ti matulusan.

2 Corinto 11:27

Nagdanasák bi ti subra a hirap sakay pagud, pirmi a magpuyat, matindi a aláp sakay uwaw. Nagtiisák ti dágnen a awan ti mealikábkáb.

2 Corinto 12:10

Gapu kánni Cristo, ay awan ti halaga dikoku ni mahinaák, sestiyán, pahirapan, usigán, sakay magtiis. Gapu ni nikan a mahinaák ay sakaák bi a mabegsák.

2 Corinto 6:10

Makagi kami a malungkut, peru pirmi a masaya; kumán a maghirap, peru pinayaman mi en kakpalan; kumán a lubu-lubus, peru sagana ten atanan a bagay.

Santiago 1:12

Pinagpala en matapat hidi ten pánnampalataya di maski ni magdanas hidi ti pagsubuk, gapu ni malampasan di dán en pagsubuk ay matanggap di a bilang piremyu en biyag a impangaku nen Diyos ten atanan a magmahal dikona.

Pahayag 21:3

Nasanig ku en mabegsák a boses a gubwat ten trono, kinagi na, “Nadid ay kapisan dán nen Diyos en katolayan ten páppágyanan na! Mákpágyan siya dikodi sakay magin banuwan na hidi. Pirmi di dán a kakaguman en Diyos sakay siya en magin Diyos di.

Pahayag 7:16

Awan dán hidi magaláp o ni mauwaw; awan dán hidi makagkag ten aldew oni mapasi ten ányaman a matindi a init.