Lucas 4:32 - Paranan

³² Nagtaka en mágsanig hidi ten págtoldu na gapu tehud a kapangyariyan en pággupos na.

Lucas 4:32 ပူးပေါင်းရင်းမြစ်များ

Marcos 1:22

Nagtaka en tolay hidi gapu makapangyariyan en págtoldu na, awan kona ten tagapagtoldu hidi nen Kautusan.

Lucas 2:47

Atanan nen makasanig hidi dikona ay magtaka ten karunungan na.

Lucas 4:33

Tehud a essa a lállaki a hinayup a ked ten sinagoga. Pummákraw siya ti mabegsák,

Lucas 4:36

Nagtaka hidi a atanan, kaya namagtanungan hidi a kinagi di, “Ánya wád iyád a kakalasi a pággupos? Makapangyariyan! Mautusan na a lumakad en mágkadukás a ispiritu sakay sumunud hidi dikona!”

Juan 6:63

En Ispiritu en mangatád ti biyag; awan iyád magamet nen tolay. En upos hidi a kinagi ku dikomoy ay ispiritu a mangatád ti biyag.

Juan 7:46

Kinagi nen nagbantay hidi, “Awan kami palla ti nasanig a kona ten pággupos na.”

2 Corinto 4:2

Inadággan mi dán en atanan a palihim sakay makasaniki a gamet. Awan kami mangloku ten tolay hidi, sakay awan mi purepáttán en upos nen Diyos. Nan hayagan mi a ipangaral en katutuhanan, sakay tukoy iyád nen Diyos. Kaya handa kami a pahatul maski kándeya.

1 Tesalonica 1:5

Impahayag mi dikomoy en Maganda a Bareta bakán a ten upos la, nan ten pamamag-itan nen kapangyariyan sakay nen Banal a Ispiritu a tehud a buu a tiwala. Sakay netan moy ni konya kami a nabiyag a kaguman moy, ginamet mi iyád para ten kapiyyaan moy.

Tito 2:15

Itoldu mu hidi iyád sakay gamitán mu en buu mu a kapangyariyan mentras a magpabegsák ka ti isip dikodi sakay magsaway ten tolduwan mu hidi. Dyan mu pabayan a imemenos ka nen deyaman.