Juan 16:20 - Paranan

²⁰ Kagiyán ku dikomoy en tatarudan: magsanget kam sakay maglungkut peru magsaya i munduwiday. Subra en kalungkutan moy peru mapalitan iyán ti kasayaan.

Juan 16:20 ပူးပေါင်းရင်းမြစ်များ

Mateo 21:38

Peru dikona a ketan nen katiwala hidi en anak nen makákkao ay kinagi di, ‘Siya iddi i magmanaid. Kamon dán! Bunuwán tam siya sakay kaowán tam en mana na.’

Mateo 5:4

“Pinagpala en tehud hidi a kalungkutan, gapu paraparaán hidi nen Diyos.

Marcos 14:72

Hustu bi a káttarakket a ruway nen manok. Naala-ala ni Pedro en kinagi ni Jesus dikona a pentállu na siya a ipamen bagu a magtarakket en manok ti pumenduwwa. Kaya nágsasangitán siya ti hustu.

Marcos 16:10

Ummangay siya ten disepulus hidi ni Jesus, dinemáttan na hidi a malungkut sakay mágsasangitán. Imbareta na dikodi en netan na. Káttapos ay inutusan ni Jesus en disepulus na hidi a ipangaral ten atanan a suluk ni munduwiday en banal sakay biyag a awan ti katapusan a bareta nen kaligtasan.]

Lucas 22:45

Dikona a natapos dán siya a magdasal ay nagsoli siya ten disepulus na hidi, sakay nedemáttan na hidi a pasiyaan a tidug gapu ten lungkut di.

Lucas 22:62

Lummuwas ti Pedro sakay nágsasangitán ti hustu.

Lucas 23:27

Makpal a tolay en umunonud kánni Jesus, kaguman bi en sangan a bábbi a mamagsangetan sakay malungkut gapu ten habag di dikona.

Lucas 24:17

Tinanung hidi ni Jesus, “Ánya ben i págguronan moyen?” Ummimang hidi ten páglakad di, sakay malungkut a tarud en rupa di.

Lucas 24:21

Siya pa beman i asaan miyid a mángligtas ti Israel. Sakay bakán la a iyán, katállu dán nadid a aldew sapul dikona a nangyari iyud.

Lucas 6:21

“Pinagpala kam a magaláp hidi nadid, gapu bássugán kam nen Diyos! Pinagpala kam a malungkut hidi nadid, gapu pasayaán na kam!

Juan 16:33

Kagiyán ku iyád dikomoy tánni magkahud kam ti kapayapaan ten pákpagkaessa moy dikoku. Tehud kam a kahirapan háddi ti munduwiday; peru begsákkan moy isip moyen! Napaglabanan ku dán i munduwiday!”

Juan 16:6

Peru gapu kinagi ku dán dikomoy, ay naglungkut kam.

Juan 20:20

Pákkakagi na, ay impeta na en lima na sakay ten wares na. Tunay ti saya en disepulus na hidi dikona netan di en Panginoon.

Gamet 5:41

Tunay ti saya en apostol hidi a lummakad ten Sanedrin gapu ginustu nen Diyos a magdanas hidi ti pághirap alang-alang ten ngaran ni Jesus.

Roma 5:11

Bakán la a iyán! Masaya kitam sakay magpuri ten Diyos ten pamamag-itan nen Panginoon tam a ti Jesu-Cristo gapu dikona ay tinanggap kitam nen Diyos a amigu na.

2 Corinto 6:10

Makagi kami a malungkut, peru pirmi a masaya; kumán a maghirap, peru pinayaman mi en kakpalan; kumán a lubu-lubus, peru sagana ten atanan a bagay.

Galacia 5:22

Peru en bunga nen Ispiritu ay págmahal, kasayaan, kapayapaan, katiyagaan, kabaitan, mángngatád, katapatan,

1 Tesalonica 1:6

Dikona a tinanggap moy en Maganda a Bareta ay inarig moy en halimbawa mi sakay en halimbawa nen Panginoon. Nagdanas kam ti hirap peru inátdenan kam nen Banal a Ispiritu ti kasayaan.

Santiago 1:2

Kákkapatkaka ku hidi, magsaya kam ni demáttan kam ni ányaman a kalasi ni pagsubuk,

Judas 1:24

Puriyán tam en Diyos, siya en mangtáttawid dikomoy tánni awan kam magkasala, sakay siya en makapáng-angay dikomoy ten atubengán na a awan ti kapintasan sakay tehud a dikál a kasayaan.

Pahayag 11:10

Ipagsaya nen atanan a tolay ti munduwiday en kákkatay nen duwwa a tistigu. Mamággatáddan hidi ti rigalu ten kasayaan di, gapu i duwwaid a iyád a propeta ay nangatád dikodi ti dikál a kahirapan.

Pahayag 18:7

Ni konya siya a nagmataas sakay nagpakasaya ten kalayawan, ay ipabati moy bi dikona en kona labi hud a kahirapan sakay kalungkutan. Gapu pirmi na a kákkagiyán a, ‘Sikán ay raina a páppuriyán! Awanák bilu, sakay awanák makaennam ti kalungkutan!’